Numri i aksidenteve rrugore në Shqipëri ka vijuar të rritet gjatë vitit 2026, duke arritur në 1,090 aksidente në periudh&eu...
POLITIKE
“Rama nëse është burrë të rrijë në zyrë”, Berisha: Nuk ka bashkëpunim me narko-mazhorancën, vetëm betejë!
PiranjatPërditësimi i fundit 23 January 2026, 13:11
Kreu i Partisë Demokratike, Sali Berisha, ka paralajmëruar një përballje të fortë me qeverinë në protestën e paralajmëruar për ditën e nesërme, duke deklaruar se qytetarët do t’i japin “mësimin që meriton” mazhorancës.
“Do t’ia japim mësimin që meriton qeverisë në protestën e nesërme. Qytetarët do t’i japin qeverisë një leksion të fortë. Rama të rrijë në zyrë, ta provojë. Dyert i ka të blinduara, le të rrijë aty nëse është burrë,” u shpreh Berisha.
Ai theksoi se Partia Demokratike ka ndërprerë çdo formë bashkëpunimi me mazhorancën, të cilën e cilësoi si “narko-mazhorancë”, ndërsa njoftoi nisjen e reformave të reja nga opozita.
Sipas Berishës, opozita do të ndërmarrë reformën territoriale dhe atë zgjedhore pa përfshirjen e qeverisë, duke bashkëpunuar me forcat opozitare, median dhe aktorë të tjerë shoqërorë. Ai bëri të ditur se deputetët Oerd Bylykbashi dhe Luçiano Boçi do të kryesojnë komisionet përkatëse nga ana e Partisë Demokratike.
“Ne do të bëjmë reformën e vërtetë. Deputetët tanë do ta realizojnë atë,” deklaroi Berisha, duke theksuar se me kryeministrin Edi Rama nuk do të ketë asnjë bashkëpunim.
“Me Edi Ramën nuk ka bashkëpunim, ka vetëm betejë,” përfundoi kreu i PD-së.
