Qytetarët protestojnë para Kuvendit: Nuk na përfaqësoni!

Një tjetër protestë është thirrur sot para Parlamentit, me thirrjen se qytetarët nuk ndihen më të përfaqësuar nga deputetët. Tubimi është njoftuar sot në orën 8:30 para se deputetët të hyjnë në sallën e Kuvendit.

Sipas organizatorëve, protesta synon të ngrejë zërin kundër një institucioni që, siç pretendojnë ata, është shkëputur nga shqetësimet dhe interesat e qytetarëve.

Ndërkohë pritet që masat e sigurisë të jenë të shtuara.

Zona përreth Parlamentit pritet të jetë e rrethuar nga forca të shumta policie, me qëllim garantimin e rendit dhe sigurisë gjatë zhvillimit të protestës.