Pas paraqitjes së fjalës përfundimtare nga kryeprokurorja Kimberly West dhe prokurori i rastit, Prokuroria e Specializuar në Hagë ka ...
POLITIKE
“Rama dhe Veliaj janë të tmerruar”/ Berisha: Kthimi im në SHBA përmbysi projektin e tyre
PiranjatPërditësimi i fundit 10 Shtator 2026, 21:45
Kryetari i Partisë Demokratike, Sali Berisha, e ka cilësuar rikthimin e tij në Shtetet e Bashkuara si një goditje ndaj asaj që ai e quan projekt të Edi Ramës dhe Erion Veliajt për ta mbajtur larg Uashingtonit.
Në një intervistë për “Çim Peka LIVE”, Berisha tha se çështja e “non grata”-s ishte përdorur politikisht nga mazhoranca për të dëmtuar opozitën dhe për të krijuar idenë se ai nuk mund të udhëtonte drejt SHBA-së.
Ai deklaroi se nuk ndjen hakmarrje ndaj kundërshtarëve, por e sheh rikthimin si përmbysje të një situate që, sipas tij, ishte kthyer në një nga shtyllat e narrativës së qeverisë.
Berisha akuzoi Ramën dhe Veliajn se kishin ndërtuar një strategji politike mbi izolimin e tij nga SHBA-ja, ndërsa pretendoi se rikthimi i tij ka rrëzuar këtë argument.
“Kthimi i vërtetë ndodhi tani, kur unë erdha këtu. Ky ishte kthimi i vërtetë. Dhe ata tani janë të tmerruar”, deklaroi Berisha.
Sipas tij, vizita në SHBA i hap sërish rrugën komunikimit me administratën amerikane dhe ndryshon raportin politik të krijuar rreth çështjes së “non grata”-s.
Çim Peka: Z. Berisha thatë pak më parë se më lënduan në dinjitet, unë kisha ikur. Kur po vija në avion 9 orë rrugë, po shikoja të gjitha provokimet që janë bërë sistematikisht nga kundërshtarët tuaj politikë dhe mediatikë, a e kalon dot oqeanin, ti s’çan dot malet, nuk çan dot detin. A u hoq ajo ‘non grata’, as s’u hoq. Bashën, Juri Kim. Kur i shikon të gjithë këto personazhe sot janë të ikura, ose të shpallura, të sanksionuara nga vetë qeveria e SHBA-ve, dhe ai zyrtarët e tyre. Dhe ju jeni këtu me mua në New Jersey. Unë të të pyes në intervistat tuaj të parë në Amerikë, a ndjeni një lloj kënaqësie, s’po them hakmarrje, kënaqësi hakmarrje ndaj tyre, por një lloj kënaqësie triumfi ndaj padrejtësisë?
Sali Berisha: Jo, nuk ndjej ndonjë ndjej hakmarrje ndaj tyre. Pse? Të jemi të sinqertë dhe ju e rikujtoni, në mënyrë të përsëritur, njeriu që ishte marrë aktivisht me këtë çështje, u thoshte shqiptarëve se kjo nuk hiqet kurrë. Ju kujtohet besoj.
Sado që unë, ju, ose gazetarë ose dhe unë vetë u jepja shembuj që kjo është hequr, ajo insistonte se kjo s’hiqet kurrë. Tani këta njerëz që dëgjonin një ambasadore që përfaqësonte shtetin, e kishin të vështirë të mos besonin ambasadoren dhe jo të më besonin mua. Ata mund të lexonin. Problemi është se mund të lexonin dhe po të lexonin do të gjenin që është hequr, ajo më thonte.
Por ngaqë e merrnin të mirëqenë deklaratën e ambasadores, ata betoheshin. Madje u përpoqën të ulin dhe avionin për arsye shëndetësore që unë të mos arrija.
Çim Peka: Shiko, ata kanë bërë, kanë bërë edhe më shumë. Nuk e dini se jeni në e dinë. Por janë anuluar 3 salla rezervimesh deri të dielën. Bëhej kontrata dhe një ditë para, pa justifikim u thuhej nuk bëjmë aktivitete politike. Kanë marrë dhe sherifët e zonës në telefon, që bllokojeni sallës. Është investuar me emaile pa fund, nga patronazhistët e diasporës, duke thënë se është me rrezik ardhja e Sali Berishës në ato salla. Ju ka ndjekur deri këtu Edi Rama saqë e uli dhe avionin në Londër për arsye shëndetësore me fake news. Kjo duket se i ka dhimbsur shumë sepse është investuar jashtë mase. Por përveç kësaj ndjeshmërie dhe fitore të dinjitetit, çfarë i sjell Shqipërisë kjo vizitë dhe rikthim i raporteve të opozitës me SHBA.
Sali Berisha: Jo, sigurisht që kjo ka hequr një pengesë serioze, pa diskutim të komunikimit tim me qeverinë më të fuqishme të botës, vendin kryesor partner strategjik. Ka përmbysur përfundimisht një projekt të Edi Ramës dhe Erion Veliajt të cilët përdorën lidhjet e tyre me Sorosin për një vendim të tillë. Në këtë kuadër dhe vetë rruga që unë zgjodha për ta përballuar problemin, i lë në turp dhe i lë pa asnjë diskutim në panik. Sepse Edi Rama të gjithë vazhdimin dhe ëndërrën e pushtetit e kishte bazuar mbi këtë narrativë të një opozite që ka një kryetar që nuk shkon dot në Uashington.
Ajo u bë si një shtyllë kryesore e pushtetit të tyre. E bënë vetë ata, por e bënë shtyllë kryesore tyë pushtetit të tyre. Kur unë u thashë u ktheva, ata e morën si përgjysëm, por kthimi i vërtetë ndodhi tani, kur unë erdha këtu. Ky ishte kthimi i vërtetë Dhe ata tani janë të tmerruar.
