‘Rama e krijoi më herët alibinë për arrestimin e Vlora Hysenit’, Bushati: Është në ngërç, mund të ketë dosje...

Analisti Andi Bushati shprehet se kryeministri Edi Rama ishte në dijeni në arrestimit të drejtoreshës së SHISH, Vlora Hyseni, ndaj për këtë arsye ka krijuar alibinë e tij.

I ftuar në ‘Çim Peka Live’ në Syri Tv, Bushati tha se ishte e pabesueshme që një institucion si SHISH të arrinte deri këtu, sa drejtoresha e tij të nxirrtje sekreti dhe të mbronte banditët.

Sipas Bushatit, reagimi i Ramës për këtë çështje nga Asambleja e Përgjithshme e Komabeve të Bashkuara ku merrte pjesë, ishte ajo e një gjuhe të dyfishtë, pasi këkron edhe të mos e hedhë poshtë Vlora Hysenin, për shkak të dosjeve që kjo e fundit mund të ketë në dorë dhe që kryeministrit mund t’i hapen probleme të mëdha.

"Përflitej shumë por s’besohej të arrihej deri këtu. Kemi shumë pak informacion dhe s’ka rrjedhje informacioni nga ana e SPAK apo gazetarëve. Zonja ka nxjerrë sekretin e ka mbrojtur banditët dhe këtu jemi në rrafshin e hipotezave.

Mënyra se si reagoi Rama, pa vonesë me një gjuhë të dyfishtë, mundet Rama ta falenderojë pas arritjeve në SHISH, të thotë që ka fajin e vet personal. Rama ishte në ngërç nga gjuha e dyfishtë. Nga njëra anë edhe s’do të njësohej me bandën e Ergys Agasit dhe nga ana tjetër s’do ta hedhë poshtë se ka ca dosje që mund t’i prishin punë. Ndaj bën deklaratë as mish as peshk.

Po të hapësh intervistën e Ramës, ai gati ka bërë alibinë që s’kam pas lidhje me Vlora Hysenin, sepse raportet e SHISH i lexon vetëm shefja ime e kabinetit. Kjo tregon se Rama ka një ngërç me këtë punë. Rama ka qenë në dijeni, dy javë më parë ka bërë alibinë, nuk mudnet që në shtete serioze të arrestohet kreu i SHISH dhe kryeministri të lajmërohej.

E dyta që a bëhet kjo pa amerikanët. Ne kur Berisha donte të shkarkonte shefuin e SHISH, u bë nami pa pyetur aleatët. Sot bëhej fjala edhe për arrestim dhe askush nuk foli. Kemi diçka aq të rëndë sa partnerët që e kanë lëshuar dhe a shkoi kjo përtej Vlora Hysenit? Janë pyetjet më themelore", tha ai.