Irani tha se nuk do të takohet me të dërguarit e lartë të SHBA-së që fluturuan në rajon pas shpërthimit të a...
POLITIKE
“Rama ëndërron të luftojë korrupsionin në Gjermani”, Shehaj: Shqiptarët ëndërrojnë ta shohin atë para drejtësisë
PiranjatPërditësimi i fundit 1 Korrik 2026, 16:20
Kryetari i Partisë Mundësia, Agron Shehaj, reagoi pas deklaratës së kryeministrit Edi Rama në Gjermani, ku ai tha se “ëndrra” e tij është që Shqipëria t’i shesë Gjermanisë një sistem me inteligjencë artificiale për luftën kundër korrupsionit.
Në një deklaratë publike, Shehaj e cilësoi këtë si “talljen e fundit të Edi Ramës”, duke thënë se ndërsa mijëra qytetarë protestojnë prej 31 ditësh në bulevard duke kërkuar dorëheqjen e kryeministrit, ai shkon në Europë për të folur për luftën kundër korrupsionit në Gjermani.
Fjala e Shehajt:
Të gjithë ne kemi ëndrra, por ëndrra e Edi Ramës është e paimagjinueshme. Edi Rama ëndërron të ndihmojë Gjermaninë të luftojë korrupsionin nëpërjet sistemit që ai ka krijuar, sistemit IA që ai ka krijuar
Kjo është tallja e fundit e Edi Ramës!
Sepse ka një hall të madh në fakt
Edi Rama bredh nëpër Europë, ka shkuar në Gjermani sepse kërkon t’i shpëtojë drejtësisë
Ndërkohë që protestuesit dalin çdo ditë në bulevard prej 31 ditësh, duke kërkuar dorëheqjen e tij, duke kërkuar që ai të dalë përpara drejtësisë, Edi Rama vazhdon dhe tallet
Por nuk ka nga t’ja mbajë, sepse ëndrra e shqiptarëve është një qeveri e pakorruptuar dhe që kjo të ndodhë duhet që Edi Rama të largohet dhe sidomos të dalë përpara drejtësisë, në mënyrë që kushdo që të vijë pas tij, të kuptojë që askush nuk është mbi ligjin, askush nuk është i paprekshëm kur vjedh popullin më të varfër në Europë.
