“Rama i ka ditët e numëruara”, protestuesi: Rinia do ta marrë udhëheqjen

Një prej protestuesve deklaroi se tubimet do të vijojnë deri në largimin e qeverisë Rama. Ai tha se beson te roli i të rinjve në ndryshimin e klasës politike në vend, duke deklaruar se ata duhet të marrin drejtimin dhe të ndërtojnë një qeverisje që t’i shërbejë qytetarëve.

Qytetari u bëri thirrje qytetarëve që të vijojnë të qëndrojnë të bashkuar dhe të marrin pjesë në protesta deri në arritjen e objektivit të tyre.

“Do rezistojmë derisa kjo qeveri të bjerë poshtë. Ditët i ka të numëruara. Edi Rama nuk do të ketë të gjatë, Rinia do ta marrë udhëheqjen dhe do krijoi një qeveri që ti shërbejë popullit. Prandaj vazhdoni të qëndroni, të qëndrojmë bashkë derisa të arrijmë atë ditë”, tha protestuesi.