“Rama jepe dorëheqjen”/ Qyetarët zhvendoset te “Komuna e Parisit”: Ju erdhi fundi

TIRANË- Mijëra qytetarë po vijojnë marshimin e tyre kilometrik në Tiranë. Nën thirrjet “Rama jepe dorëheqjen dhe “Ju erdhi fundi”, ata kanë përshkuar disa nga rrugët më të rëndësishme të kryeqytetit. Pasi mbushën  Bulevardin “Dëshmorët e Kombit”, protestuesit u zhvendosën te “Komuna e Parisit”.

Nën thirrjet “Bashkohuni me ne” dhe “Çohuni nga kafja”, ata i kanë bërë thirrje qytetarëve të cilët gjenden nepër kafene të bashkohen me ta. Kujtojmë që kjo dita e 19-të e revoltës së tyre, ku qindra mijëra qytetarë kanë kërkuar anulimin e projektit të Zvërnecit dhe dorëheqjen e kryeministrit Rama.

Protesta ka marrë jehonë kombëtare dhe ndërkombëtare pasi është zhvendosur në çdo vend ku ka shqiptarë. Mijëra emigratë kanë protestuar në Londër, Mynih, Berlin, Zvicër, Holandë, Francë, Norvegji, Austri, SHBA dhe Bruksel. Me pankarta në duar dhe flamuj kuqezi, protestuesit bënë thirrje për rrëzimin e klasës së vjetër politike.