'Rama jepe dorëheqjen!' Sheshi Skënderbej' plot në ditën e 63-të të protestës! Kanë ardhur dhe nga diaspora

“Rama jepe dorëheqjen’ thirrja oshëtin edhe sot në ditën e 63-të të protestës.  Marshimit protestë sot i janë bashkuar edhe shqiptarë nga diaspora.

Kanë ardhur nga Gjermania, Londra. 

Ata janë mbledhur në sheshin ‘Skënderbej’ për të vijuar më pas marshimin drejt kryeministrisë ku podiumi u lihet protestuesve për të thënë fjalën e tyre.

'Rama thot se do futet në Europë. Ky futesh në Europë kur s'ke ujë, s'ke drita. Ku ka spitale këtu, këtu duhet të blesh dhe pambukun' tha një protestues i ardhur nga Londra. 

Krahas kërkesave për mbrojtjen e mjedisit dhe ruajtjen e biodiversitetit, lëvizja ka evoluar në një shprehje të pakënaqësisë kolektive ndaj status quo-së, duke bërë thirrje për llogaridhënie, transparencë dhe ndryshim politik.

Për herë të parë në Shqipëri prej 63 ditësh protestohet kundër korrupsionit, dhe keqqeverisjes së qeverisë Rama e cila ka shpopulluar Shqipërinë por dhe varfëruar qytetarët esaj.

Më 30 maj, në Shqipëri shpërthyen protesta si reagim ndaj një projekti luksoz në zonën e mbrojtur Vjosë-Nartë, i lidhur me investime të mbështetura nga Jared Kushner, dhëndri i Donald Trump, si dhe nga një rrjet biznesesh të fuqishme vendase dhe individësh me një histori problemesh ligjore.

Krahas kërkesave për mbrojtjen e mjedisit dhe ruajtjen e biodiversitetit, lëvizja ka evoluar në një shprehje të pakënaqësisë kolektive ndaj status quo-së, duke bërë thirrje për llogaridhënie, transparencë dhe ndryshim politik.