Rama mbledh drejtuesit politikë të PS dhe kryetarët e komisioneve: Sot do të flas për makinerinë tonë të partisë

Kryeministri Edi Rama ka mbledhur këtë të enjte drejtuesit politikë të PS dhe kryetarët e komisioneve parlamentare. Gjatë mbledhjes, Kryeministri ka prezantuar një dokument të ri të quajtur “Prania Besnike”, të cilin e cilësoi si një aneks të dokumentit “Besa”. Rama theksoi se dokumenti i ri ‘Prania Besnike’ i adresohet vetëm partisë, me synimin për ta vendosur atë në funksion të kthesës së mandatit të katërt.

Kryeministri solli si shembull edhe disa udhëheqës që sipas tij, asnjëri nuk e humbi pushtetin nga dëgjimi, por humbën dëgjimin nga pushtetit. Në një rast, Rama renditi edhe ish-presidentin amerikan Barack Obama.

“Dokumentin strategjik ‘Besa’ e keni tashmë në dorë. Ky dokumenti tjetër, që është këtu dhe që e ndaj me ju sot për një diskutim të brendshëm, quhet ‘Prania Besnike’ dhe është aneksi i dokumentit të parë.‘Prania Besnike’ i adresohet vetëm partisë, me synimin për ta vendosur atë në funksion të kthesës së mandatit të katërt.

Nëse herën e shkuar fola për qeverisjen, sot do të flas për makinerinë tonë të partisë. Asnjëri nuk e humbi pushtetin nga dëgjimi, të gjithë e humbën dëgjimin nga pushteti, Obama fitoi me lëvizjen më të madhe vullnetare që kishte parë historia e demokracisë amerikane.

Mbi 2 mln vullnetarë, ose patronazhistë, si edhe 13 mln adresa njerëzish të lidhur me kauzën. Një muaj pas fitores të cilën askush nuk e parashikoi, ajo lëvizje u ftoh, rrjeti u fut brenda zyrave të administratës dhe u vu në shërbim të axhendës së shtëpisë së bardhë. Protagonistët kryesorë u kthen në zëdhënës të pushtetit të ri dhe kori më masiv i përcjelljes së një mesazhi politik në historinë e Amerikës u tret. 2 vjet më vonë, në zgjedhjet ep ara të me mandatit, makineria që kishte magjepsur botën nuk kishte më jetë. Obama e ka pranuar më vonë si një nga dështimet më të mëdha politike”, tha Rama.