Rama merr pushimet e verës!

Kryeministri Edi Rama dhe familja e tij po shijojnë pushimet në vilën qeveritare në Dhërmi. Një video ekskluzive e siguruar nga Piranjat e vërteton këtë.

Pas një periudhe tejet të ngarkuar politikisht, të shoqëruar nga skandalet e njëpasnjëshme që kanë përfshirë ministra dhe bashkëpunëtorë të tij, por edhe nga protestat që prej më shumë se dy muajsh zhvillohen në sheshin përballë zyrës së Kryeministrit në Tiranë, duket se Rama po kërkon pak qetësi për të rimarrë veten.

Dhërmiu, vila qeveritare dhe disa ditë larg zhurmës së Tiranës mund të jenë pikërisht ajo që i duhet një kryeministri pas një vere kaq të trazuar.

Por pushimet nuk zgjasin përgjithmonë.

Shtatori vjen shpejt. Dhe bashkë me të priten sfida të reja politike.

Në Tiranë, opozita pritet të rikthehet në rrugë me protesta edhe më të forta, ndërsa SPAK duket se po e shtrëngon gjithnjë e më shumë lakun rreth disa prej bashkëpunëtorëve më të afërt të kryeministrit.

Prandaj pyetja është e thjeshtë:

A do të jetë kjo vera e fundit e Edi Ramës si kryeministër?/Piranjat News