Rama nxjerr video dhe tallet me protestën, duke u kujtuar protestuesve që e kanë votuar 4 herë

Përmes postimit të një videoje kryeministri Edi Rama ka reaguar sërish për protestat që po zhvillohen në Tiranë nga qytetarët që janë kundër ndërtimit të resortit në Zvërnec.

Kësaj here Rama ka thënë se ata vetë e kanë zgjedhur dhe shprehet se Shqipëria do bëhet sipas kontratës që ai ka lidhur për herën e katërt në majin e shkuar me 83 mandate, pavarësisht se ça thonë e ça duan këta shqiptarët.

Më këtë tallje që ju bën shqiptarëve, Rama kërkon të shuajë protestën dhe revoltën qytetare.

Kujtojmë që ditën e djeshme u mbajt protesta e tretë, ku me mijëra qytetarë i kërkuan dorëheqjen.

Postimi plotë

MIRËMËNGJES

dhe me ndjesën për këtë video-kartolinë të pazakonshme nga “Shqipëria e shqiptarëve”, e duke i siguruar të gjithë se Shqipëria do bëhet sipas kontratës që kemi lidhur për herën e katërt në majin e shkuar me 83 vota, pavarësisht se ça thonë e ça duan këta shqiptarët që e dinë Shqipërinë pengun e verbërisë së tyre dhe atdhedashurinë podium për të sharë me libër shtëpie tradhëtarët e armiqtë imagjinarë Shqipërisë, ju uroj një ditë të mbarë me një përqafim të veçantë për ata të mitë që kanë mbetur akoma peng i një proteste të cilës i ka humbur çdo arsye reale e nisjes.