16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
"Turmë dështakësh zemërakë"/ Rama sulmon protestuesit: Kërkojnë urretje dhe përçarje
PiranjatPërditësimi i fundit 11 September 2026, 19:32
Kryeministri Edi Rama ka folur në podcastin “Flasim” për protestën e zhvilluar në vend, duke deklaruar se pas saj ka pretendime reale, por edhe ndërhyrje politike. Rama tha se synimi i disa protestuesve është të nxisin urrejtje dhe përçarje, ndërsa theksoi se protesta nuk mund të shihet vetëm në një këndvështrim.
“Patjetër që protesta ka pretendime të vërteta”, u shpreh Rama.
Sipas kryeministrit, përveç ndërhyrjeve përmes algoritmeve, ekziston edhe një ndërhyrje politike që ka ndikuar në përmasat që mori protesta.
“Nëse nuk do të ishte emri i Jared Kushner te Zverneci, protesta nuk do të merrte këto përmasa”, deklaroi Rama. E gjithë pjesa anti-Trump gjeti një shesh dhe një betejë”.
Kryeministri u ndal edhe te protestat dhe ndikimi i rrjeteve sociale, duke pretenduar se një pjesë e tensionit është nxitur përmes teknologjisë.
“Ndodhi ajo që i thonë ‘stuhia perfekte’, sepse u bashkuan shumë komponentë në një pikë dhe kjo i dha dhe një lloj madhështie. Ishte madhështore, patjetër”, deklaroi Rama. Më tej, ai foli për atë që e cilësoi si ndërhyrje përmes algoritmeve dhe rrjeteve sociale. “Por tjetër është ta shohësh se si ndodh, se si mijëra ushtarë të prodhuar nga laboratorët e teknologjisë, me fytyra dhe me emra shqiptarë, sulmojnë hapësirën dixhitale të vendit dhe krijojnë gjithë atë tension të madh, ose më saktë, e rrisin”, tha Rama.
Në reagimin e tij, Rama e ka cilësuar gjithashtu protestën si të nxitur nga një “turmë dështakësh zemërakësh”, duke e lidhur klimën e krijuar me atë që ai e konsideron përplasje mes pritshmërive të reja të qytetarëve dhe zhvillimeve politike në vend.
