Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
POLITIKE
Rama shkon pas mesnate vetëm për votimin në Kuvend! Rrëzohen propozimet e demokratëve!
PiranjatPërditësimi i fundit 8 May 2026, 07:54
Kuvendi u mblodh dje në seancën plenare të radhës ku u miratuan katër projektligje, një akt normativ dhe gjashtë projektvendime. Seanca plenare nisi me një minutë heshtje në nderim të ish-Kryetarit të Kuvendit, Servet Pëllumbi, pas ndarjes së tij nga jeta.
Seanca nisi punimet me zhvillimin e interpelancës së kërkuar me Kryeministrin Edi Rama nga një grup deputetësh të Grupit Parlamentar të Partisë Demokratike e cila iu delegua Ministres së Shtetit për Marrëdhëniet me Parlamentin, Erjona Ismaili dhe me interpelancën me Ministrin e Infrastrukturës dhe Energjisë, Enea Karakaçi, kërkuar nga një grup deputetësh të Grupit Parlamentar të Partisë Demokratike.
Më pas u zhvillua një seancë pyetje-përgjigje me Ministrin e Turizmit, Kulturës dhe Sportit, Blendi Gonxhja, kërkuar nga deputetja e opozitës, Ina Zhupa.
Akti normativ “Për një shtesë në ligjin nr. 61/2012, “Për akcizat në Republikën e Shqipërisë,” të ndryshuar”, u miratua me 85 vota pro, 25 vota kundër dhe 0 abstenim.
Punimet plenare vijuan me diskutimin e Projektligjit “Për ratifikimin e marrëveshjes ndryshuese nr. 2, me shkëmbim të letrash, të marrëveshjes së financimit, ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, Malit të Zi dhe Komisionit Evropian, për programin IPA të bashkëpunimit ndërkufitar Mali i Zi – Shqipëri 2021 – 2027, ratifikuar me ligjin nr. 9/2024”, i cili u prezantua nga Ministrja e Shtetit për Marrëdhëniet me Parlamentin, Erjona Ismaili.
Pas diskutimeve, projektligji në fjalë u miratua me 108 vota pro, 0 vota kundër dhe 1 abstenim.
Pika e radhës në rendin e ditës ishte Projektligji “Për disa shtesa dhe ndryshime në ligjin nr. 113/2020, “Për shtetësinë”, të ndryshuar”, i cili u prezantua nga nismëtari Taulant Balla.
Pas diskutimeve, projektligji në fjalë u miratua me 85 vota pro, 25 vota kundër dhe 0 abstenim.
Projektligji “Për disa ndryshime në ligjin nr. 99/2024, “Për inspektimin në Republikën e Shqipërisë””, u prezantua nga Ministrja e Ekonomisë dhe Inovacionit, Delina Ibrahimaj.
Pas diskutimeve, projektligji në fjalë u miratua me 85 vota pro, 25 vota kundër dhe 0 abstenim.
Projektligji “Për identifikimin elektronik, shërbimet e besuara dhe portofolin e identitetit digjital”, u prezantua nga Ministrja e Ekonomisë dhe Inovacionit, Delina Ibrahimaj.
Pas diskutimeve, projektligji në fjalë u miratua me 85 vota pro, 24 vota kundër dhe 0 abstenim.
Projektligji “Për një shtesë në ligjin nr. 9975, datë 28.7.2008, “Për taksat kombëtare”, i ndryshuar”, u prezantua nga deputeti i Partisë së Lirisë, Tedi Blushi.
Pas diskutimeve, projektligji në fjalë u rrëzua me 82 vota kundër, 26 vota pro dhe 0 abstenim.
Projektligji “Për një ndryshim në ligjin nr. 9975, datë 28.7.2008, “Për taksat kombëtare”, i ndryshuar”, u rrëzua me 85 vota kundër, 25 vota pro dhe 0 abstenim.
Projektligji “Për një ndryshim në ligjin nr. 61/2012, “Për akcizat në Republikën e Shqipërisë”, të ndryshuar”, u rrëzua me 85 vota pro, 25 vota pro dhe 0 abstenim.
Projektligji “Për mekanizmin e reagimit ndaj krizave të furnizimit dhe çmimeve të lëndës djegëse”, u prezantua nga nismëtari Enno Bozdo.
Pas diskutimeve, projektligji në fjalë u rrëzua me 84 vota kundër, 25 vota pro dhe 0 abstenim.
Seanca plenare votoi edhe shtatë projektvendime, më konkretisht;
Projektvendimi “Për zgjedhjen e Komisionerit të Zyrës së Avokatit të Popullit”, me 84 vota pro, 22 vota kundër dhe 0 abstenim.
Ahmet Prençi u zgjodh Komisioner i Zyrës së Avokatit të Popullit në Seksionin e Mekanizmit Kombëtar për Parandalimin e Torturës trajtimit ose dënimit të egër çnjerëzor ose poshtërues.
Projektvendimi “Për zgjedhjen e Komisionerit të Zyrës së Avokatit të Popullit”, me 82 vota pro, 26 vota kundër dhe 1 abstenim.
Alma Faskaj u zgjodh Komisionere e Zyrës së Avokatit të Popullit në seksionin për Mbrojtjen dhe Promovimin e të Drejtave të Fëmijëve.
Projektvendimi “Për zgjedhjen e Komisionerit për Mbrojtjen nga Diskriminimi”, me 83 vota pro, 25 vota kundër dhe 0 abstenim.
Genta Tafa u zgjodh Komisionere për Mbrojtjen nga Diskriminimi.
Projektvendimi “Për zgjedhjen e Inspektorit të Përgjithshëm të Bankës së Shqipërisë”, me 84 vota pro, 23 vota kundër dhe 1 abstenim.
Merita Bejtja u zgjodh Inspektor i Përgjithshëm i Bankës së Shqipërisë.
Projektvendimi “Për zgjedhjen e anëtarit të Këshillit Mbikëqyrës të Bankës së Shqipërisë”, u rrëzua me 104 vota kundër, 1 votë pro dhe 2 abstenim.
Projektvendimi “Për miratimin e listës së audituesve ligjorë, të cilët do të bëjnë auditimin e llogarive financiare për vitet 2024-2025 të Kontrollit të Lartë të Shtetit”, me 105 vota pro, 0 vota kundër dhe 0 abstenim, u zgjodhën znj. Edlira Buzani dhe znj. Rajmonda Reveli.
Projektvendimi “Për miratimin e strukturës, organikës dhe kategorizimit të pozicioneve të punës së Entit Rregullator të Sektorit të Furnizimit me Ujë dhe Largimit e Përpunimit të Ujërave të Ndotura (ERRU)”, u miratua me 84 vota pro, 24 vota kundër dhe 0 abstenim.
