Studentët në Universitetin e Korçës kanë vijuar bojkotin e mësimit, në mbështetje të protestës studentore e ...
POLITIKE
Rama urdhëron socialistët: Kur vjen ligji në Parlament duhet miratuar, jo diskutuar!
PiranjatPërditësimi i fundit 16 January 2026, 12:37
Kreu i qeverisë iu drejtua deputetëve të PS duke u thënë se kur vjen një ligj i caktuar në Parlament duhet miratuar dhe jo diskutuar.
Rama kështu është duke ju thënë që në parlament të mos diskutohet më asgjë, duke e trajtuar Kuvendin si një institucion personal ku kalojnë ligjet dhe jo arenën ku debatohen ato.
‘Ju e dini që s’jam lehtësisht i përthyeshëm, ju ftoj që të jeni të përthyeshëm’, u tha Rama.
“Të gjithë mekanizmin e gjerë dhe kompleks të arkitekturës së ligjit europian negociohet me komisionin, i imponohet qeverisë dhe vjen në parlament.
Kur vjen, duhet miratuar, jo diskutuar, sepse që t’i hymë diskutimit të një ligji të tillë duhet të diskutojmë a duam të hymë në BE apo jo?
Me të drejtë disa shokë dhe kolegë bëjnë gabimin që bëja unë, derisa e mësova që s’duhej bërë. Marrim një draft që vjen nga qeveria pasi është dakordësuar me Komisionin dhe fillojnë i referohen vendeve të tjera në BE. Këtë gjë po e ndaj me ju si eksperiencë dhe duke shpresuar që ju e dini që s’jam lehtësisht i përthyeshëm, ju ftoj që të jeni të përthyeshëm të gjithë në këtë pikë.
Që ta bëni si Franca, duhet të jeni Franca, ju jeni Shqipëria, ‘s’kemi kërkuar ne që të bëheni pjesë e familjes sonë, por jeni ju, për ju kemi kushte dhe janë këto, nëse doni, nëse s’doni’...”, u shpreh Rama.
