Ministria e Mbrojtjes ka njoftuar se nga 25 vatrat e zjarrit të raportuara gjatë 24 orëve të fundit, 9 prej tyre mbeten ende aktive. P&eum...
POLITIKE
Reforma territoriale/ Meta kundër shkrirjes së Fushë-Arrëzit: Po goditet bashkia e drejtuar nga opozita
PiranjatPërditësimi i fundit 11 Gusht 2026, 15:01
Presidenti i Partisë së Lirisë përmes një postimi në facebook shprehet kundër shkrirjes së bashkisë së Fushë Arrëzit, si plan i Ramës për shpopullimin e kësaj treve për të krijuar vakumin që do të plotësohet nga grabitqarët e “Paketës së Maleve”.
Në një postim në facebook Meta thotë se shkrirja është ‘hakmarrje’ e Ramës ndaj punës së mirë të kryebashkiakut Hil Curri dhe administratës së tij të cilët kanë nisur popullimin e trevës. Ndërkohë Rama kërkon të godasë pikërisht zhvillimin sepse axhenda e tij është shpopullim e shkombëtarizim.
Reagimi:
Bashkia e Fushë-Arrëzit është ndër bashkitë me resurse të gjithanshme për zhvillim, me performancën më të lartë ndër 9 bashkitë e para dhe që kontribuon me mbi 200 milion euro në vit për GDP-në.
Me bukuri natyore të jashtëzakonshme, fatmirësisht me masive pyjesh me shumë mundësi për turizmin malor, goditja ndaj Fushë-Arrëzit synon shpopullimin e kësaj treve për të krijuar vakumin që do të plotësohet nga grabitqarët e “Paketës së Maleve”.
Ky sulm është edhe kundër suksesit të jashtëzakonshëm në menaxhimin e kësaj bashkie nën drejtimin e opozitës, në veçanti të Kryetarit, z. Hil Curri dhe punonjësve të përkushtuar të administratës.
Mazniku, që nuk ka qenë asnjëherë në Fushë-Arrëz, as për të takuar këshilltarët e PS dhe jo më qytetarët, i sugjeroj që të çojë në Fushë-Arrëz punonjësit e administrave të bashkive që i ka marrë “Rilindja” për t’i trajnuar të punojnë si administrata e shkëlqyer e Fushë-Arrëzit që për shërbime, përkushtim, sjellje, transparencë e llogaridhënie mund të krahasohet vetëm me bashkitë e vendeve skandinave.
Falë këtyre aftësive menaxhuese të Kryetarit Curri dhe të kësaj administrate, të politikave dhe projekteve për nxitjen e investimeve, por edhe të mbështetjes së diasporës, ka nisur popullimi i kësaj treve. Pikërisht prandaj Edi Rama kërkon ta godasë, sepse axhenda e tij është shpopullim e shkombëtarizim.
Edhe në respekt të vuajtjeve të shumë intelektualëve të dënuar dhe të internuar politikë, Bashkia e Fushë-Arrëzit meriton vetëm mbështetje, por kurrë të shkrihet.
