Zonat malore në qarkun e Kukësit po përjetojnë kushte klimaterike dimërore, ndonëse jemi ende në fund të muajit tetor.
...
POLITIKE
Rishfaqja e Ballukut të Ura e Mifolit, Berisha thirrje qytetarëve: Provokim, gjuajini me vezë dhe domate
PiranjatPërditësimi i fundit 9 January 2026, 11:56
Kreu i partisë Demokratike, Sali Berisha e ka cilësuar provokativ shfaqjen e zv.kryeministres Belinda balluku ditën e djeshme në Vlorë, në Urën e Mifolit, për të monitoruar situatën e përmbytjeve dhe për të folur si ‘sinoptikane’ për parashikimin e motit ndërkohë që është nën hetim nga SPAK.
Berisha i bëri thirrje qytetarëve që kudo të shohin ministra, t’i godasin me vezë ose domate, pasi sipas tij, ata janë shkaktarët kryesorë të fatkeqësive të tyre.
Berisha: Me një akt provokativ të ulët, e kishte dërguar dje Lubi Ballukun te ura e Mifolit. U bej thirrje qytetarëve, kudo të shihni ministria, i gjuani me vezë ose domate. Këta janë shkaktarët kryesorë të fatkeqësive tuaja.
I dëgjuat sot ju? Po shpifet, çfarë po shpifet. Më falni, hidorovorët, dy hidorvorët e Durrësit, i Hamallës pa asnjë pompë në funksion, të vjedhura, pompa gjigande, kanë vënë pompa nafte tani, me 30 litra ujë.
Durrësi është përmbytur në mënyrë apokaliptike, të mos harrojmë që aty ka qenë kënetë. Ky me shpifje thotë, nuk shpall gjendjen e jashtëzakonshme, se e detyron t’i përgjigjet qytetarëve dhe e detyron që fondin rezerve ta çojë drejt tyre.
