Pensioniste duke shfrytezuar rrezet e diellit dhe temperaturat e larta ne parkun ne Sheshin Skenderbej ne qender te Tiranes. Qeveria Rama ka akorduar bonusin ...
Ditën e shtunë vendi ynë do të ndikohet nga kushte atmosferike relativisht të qëndrueshme si pasojë e depërtimit t&eum...
POLITIKE
Rrogozhina sërish në protestë kundër bashkimit me Kavajën: Kjo është shtëpia jonë
PiranjatPërditësimi i fundit 14 Gusht 2026, 20:29
Qytetarët e Rrogozhinës kanë vijuar edhe këtë mbrëmje protestat kundër projektit për bashkimin e Bashkisë së Rrogozhinës me atë të Kavajës.
Protestuesit kërkojnë që Rrogozhina të ruajë statusin e bashkisë më vete, pasi sipas tyre qyteti ka historinë dhe identitetin e tij, ndërsa një bashkim me Kavajën mund të vështirësojë marrjen e shërbimeve për banorët.
Gjatë tubimit, qytetarët i janë drejtuar kryeministrit Edi Rama dhe përfaqësuesve të mazhorancës me kërkesën që problemet e mundshme të bashkisë të zgjidhen përmes përmirësimit të administrimit dhe jo përmes shkrirjes së saj.
“Investoni në kapacitete. Nëse ka probleme në mbledhjen e të ardhurave, përmirësojeni administrimin”, tha një prej protestuesve.
Një tjetër qytetar theksoi: “Rrogozhina është shtëpia jonë, prandaj i themi qartë ‘jo’ bashkimit me Kavajën”.
Protesta zhvillohet në kuadër të kundërshtimeve që po shfaqen në disa bashki ndaj propozimit të Partisë Socialiste për rishikimin e hartës territoriale.
Sipas propozimit, numri i bashkive në vend do të ulet nga 61 në 46, ndërsa 15 bashki parashikohet të shkrihen ose të bashkohen me bashki fqinje më të mëdha.
