“Saranda mes trafikut, ndotjes dhe urbanizimit”/ Zhupa: Review-t e turistëve këmbanë alarmi!

Deputetja demokrate, Ina Zhupa, ka reaguar për problematikat që shoqërojnë turizmin në Sarandë, duke deklaruar se qyteti po vuan, sipas saj, nga keqqeverisja.

Përmes një reagimi në rrjete scoiale, Zhupa u referohet vlerësimeve dhe komenteve të turistëve në platformat e udhëtimeve, duke theksuar se ato janë një kambanë alarmi për situatën në qytetin bregdetar.

Sipas saj, turistët vlerësojnë detin, klimën dhe bukuritë natyrore të Sarandës, por ankohen për trafikun, mungesën e parkimeve, mbipopullimin, pastërtinë, zhurmën dhe problematikat e infrastrukturës.

Zhupa thekson gjithashtu se komentet e turistëve evidentojnë ndërtimet e shumta dhe urbanizimin e pakontrolluar, duke argumentuar se Saranda po humbet karakterin e saj.