Sekuestrimi i vilës së Ballukut, Bardhi: E paralajmëruam në shkurt, Spak të kërkojë arrestimin

Kryetari i Grupit Parlamentar të Partisë Demokratike, Gazment Bardhi, ka reaguar pas sekuestrimit të vilës së Belinda Ballukut nga SPAK, duke i kërkuar Prokurorisë së Posaçme që të kërkojë arrestimin e saj. Bardhi tha se opozita kishte paralajmëruar që në muajin shkurt për ekzistencën e pasurive të fshehura që, sipas tij, burojnë nga afera korruptive.

Reagimi i plotë i Kryetarit të Grupit Parlamentae të PD, Gazment Bardhi

Më 26 Shkurt në një intervistë në News 24 paralajmëruam se Belinda Balluku ka pasuri të fshehura nga aferat e saj korruptive. Vetëm në pak muaj SPAK ka dokumentuar 2 pasuri të fshehura në jug të Shqipërisë - 1 vilë 300 m2 për Belinda Ballukun dhe 1 tjetër vilë në pronësi të Sekretares së saj të Përgjithshme.

E vërteta doli!

Në 12 Mars Edi Rama mbrojti korrupsionin e Belinda Ballukut! Të korruptuarit mbrojnë të korruptuarit!

Tani është detyrë e SPAK të rikërkojë arrestimin e Belinda Ballukut, sipas detyrimit që përcakton ligji. Pozita e bashkëpunëtores së ngushtë të Edi Ramës është rënduar me dy akuza të reja: korrupsion dhe pastrim parash. SPAK duhet të zbatojë ligjin, me profesionalizëm dhe guxim. Koha është tani!