Studentët në protestën e 22 kanë vendosur disa fotografi të dhunës policore ndaj të rinjve gjatë protestës, në...
POLITIKE
Shëndetësia/ Spahija: Eurostat dhe Banka Botërore grisën përfundimisht maskën e këtij pushteti hajdut.
PiranjatPërditësimi i fundit 7 September 2026, 12:00
Deputeti i PD-së, Bardh Spahia ka reaguar pas publikimit të shifrave të Eurostat për shëndetësinë në Shqipëri.
Sipas Spahisë, Eurostat dhe Banka Botërore kanë grisur përfundimisht maskën e këtij pushteti hajdut.
Reagimi i deputetit të PD, Bardh Spahia:
Faktet e pakundërshtueshme të Eurostat-it dhe Bankës Botërore grisën përfundimisht maskën e këtij pushteti hajdut. Shqipëria është damkosur zyrtarisht me rekordin më të zi në Europë, ku familjet detyrohen të paguajnë nga xhepi mbi 48% të çdo fature shëndetësore, ndërsa shërbimet reale që marrin nuk kapin as 40% të mesatares europiane.
Këto nuk janë thjesht statistika të ftohta por dënime me vdekje për mijëra qytetarë të cilët nuk përballojnë dot kurimin. Ndërsa miliardat e buxhetit zhvaten përmes koncesioneve kriminale e tenderave të korruptuar për të ushqyer luksin e një klike hajdutësh, shqiptarët lihen të vdesin dyerve të spitaleve pa ilaçe, pa aparatura dhe pa asnjë mbështetje. Po vidhet buka e gojës, po vidhet e ardhmja, dhe tani po vidhet haptazi vetë jeta!
Një regjim që pasurohet mbi gjakun, dhimbjen dhe varfërimin e njerëzve të tij meriton përçmim dhe reagim pa ndërprerje.
Çdo qytetar, çdo prind dhe çdo i ri duhet të ngrihet fuqishëm në sheshe për të mbrojtur jetën, dinjitetin dhe familjen. Kjo qeveri e kalbur deri në palcë duhet të shporret një orë e më parë me dorëheqje të menjëhershme dhe përgjegjësit të përfundojnë para drejtësisë për krimin makabër të braktisjes dhe zhvatjes së një populli të tërë!
