Në Shqipëri, bar-kafeneja është kthyer prej kohësh në një model biznesi thuajse unik në Europë: hapet relativisht l...
POLITIKE
Sheshet plot për dorëheqjen e tij, Rama e pranon: Edhe socialistët dhe punonjësit e administratës pjesë e protestës në shesh!
PiranjatPërditësimi i fundit 24 Korrik 2026, 12:30
Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues të Partisë Socialiste.
Në fjalën e tij gjatë mbledhjes së zgjeruar të grupit parlamentar të PS-së dhe anëtarëve të kabinetit qeveritar, Rama u ndal te pakënaqësitë e shfaqura në sheshe dhe rrjete sociale, duke thënë se ato duhet të shërbejnë si një sinjal për mazhorancën.
Kryeministri u shpreh se disa prej protestuesve kanë qenë edhe socialistë, mbështetës të qeverisë apo persona që punojnë në administratë.
“Mosmirënjohës është pikënisja e perspektivës së re që na duhet sepse në të gjendet kuptimi më i gabuar. Dua t’ua them unë që në fillim duke i parë në sy atyre që protestuan kundër kryetari të Bashkisë, atyre që dolën në bulevard atyre që protestuan të heshtur apo me zë, që pas zgjedhjeve të qershorit të kaluar. Ju nuk jeni mosmirënjohës, jeni matësi i ri i standardeve tona.
Ju që mbushët rrjetet sociale dhe bulevardit nuk protestuat ndaj Shqipërisë që ndërtuam në 3 mandatet e para. Ata jo të paktë që ishin anëtarë të PS dhe mbështetës e votues, apo edhe ata që ishin në punë shteti dhe në darë shkonin në protestë. Nuk dolën atje për t’ju bashkuar këngës Rama jepe dorëheqjen apo të mohoni transformimin e Shqipërisë. U bashkuan sepse forca e saj përthithëse ishte më e madhe për ta se sa figura ime.
Ishin në shesh sepse i çoi një nevojë e thellë për të përcjellë një mesazh më të fortë se përkatësia ndaj një partie apo ngjyra e qeverisë për të cilën mund të kenë votuar”, tha ai.
