Shpenzime të larta në koncertin e Kanye West/ Berisha publikon videodenoncimin nga kantieri i 'Eagle Stadium'

Një videodenoncim i publikuar nga kreu i Partisë Demokratike, Sali Berisha, ka sjellë në qendër të vëmendjes debatin mbi organizimin e koncertit të artistit Kanye West në Shqipëri.

Në videon e shpërndarë në rrjetet sociale të Berishës, një qytetar pretendon se për këtë event po investohen 50 milionë euro, ndërsa ngre shqetësime të thella për gjendjen e sistemit shëndetësor.

Pamjet, të filmuara direkt nga kantieri ku po ngrihet skena e "Eagle Stadium", pasqyrojnë revoltën e qytetarit për atë që ai e cilëson si shpërdorim të fondeve publike.

"Ja ku janë 50 milionë eurot që ka dhënë ministri ynë për një natë koncerti, ndërsa spitalet nuk kanë ilaçe. Ja ku janë, vetëm për një natë koncerti," shprehet qytetari në video.