Kosova prodhon qumësht, djathë, kos e produkte të tjera të bulmetit.
Fabrikat kanë investuar në teknologji, fermerët kan&e...
POLITIKE
“Shqipëria në ngërç”/ Abilekaj: Kërcënimet e Ramës për gjyqësorin po dobësojnë pushtetet
PiranjatPërditësimi i fundit 5 Janar 2026, 17:57
Gazetari Enton Abilekaj, ka komentuar zhvillimet më të fundit politike në vend, teksa është shprehur se Shqipëria ndodhet sipas tij në një ngërç.
I ftuar në Syri TV, Abilekaj është shprehur se Edi Rama ka sfiduar dhe kërcënuar gjyqësorin, gjë që sipas tij tregon kapjen e hapur të pushteteve.
“Në përgjithësi kemi një sfidë ndaj sistemit gjyqësor. Kemi jo vetëm sfidë në kuptimin e imunitetit, por edhe sfidë në kuptimin e propagandës. Ne pamë kryeministrin që e mbylli vitin duke sulmuar drejtësinë,” thekson ai, duke iu referuar qëndrimeve të kryeministrit ndaj dosjeve të profilit të lartë si ajo e inceneratorëve apo rruga Kardhiq-Delvinë.
Abilekaj argumenton se në këtë përplasje pushtetesh, ekzekutivi i udhëhequr nga kryeministri shfaqet si forca dominuese duke dobësuar ndjeshëm pushtetin gjyqësor.
“Ka një diçka që nuk shkon, ka një ngërç mes qeverisë dhe kushtetutës dhe pushtetit gjyqësor. Pra, qeveria ka marrë përsipër të sfidojë pushtetin gjyqësor, prokurorinë e SPAK-un, Prokurorinë e Posaçme dhe gjykatën që kanë marrë kërkesat që kanë marrë aty.
Dhe sigurisht me një artificë, siç është ajo gjykata kushtetuese, por në përgjithësi kemi një sfidë ndaj sistemit gjyqësor. Kemi jo vetëm sfidë në kuptimin e imunitetit, por edhe sfidë në kuptimin e propagandës. Ne pamë kryeministrin që e mbylli vitin duke sulmuar drejtësinë, apo jo? Duke i rrëzuar të dyja dosjet kryesore që drejtësia nxori në dy muajt e fundit të vitit, të tunelin e Llogarasë dhe të Akshin.
Kemi vërtet tani një përplasje dhe në këtë përplasje të dy pushteteve pushteti më i fortë praktikisht është pushteti i kryeministrit. Ai mund të parandalojë gjithçka, duke përdorur dhe parlamentin sepse ka dhe legjislativin dhe degën ekzekutive në kontroll. Kështu që pushteti gjyqësor i dobët, i kritikuar dhe i kritikueshëm siç është normalisht një pushtet në që duhet të jetë në demokraci, e ka shumë vështirë përballjen me pushtetin ekzekutiv dhe me kryeministrin.
Prandaj faktori ndërkombëtar ka pasur një rol gjithmonë deri tani, që këtë ekuilibër ta krijojnë ata, këtë ekuilibër mes pushteteve, duke pasur parasysh forcën më të madhe që ka ekzekutivi nëpërmjet legjislativit”,- është shprehur Abilekaj.
