Shqiptarët i kërkojnë dorëheqjen prej 32 ditësh, Rama nga Gjermania e pranon se protestat janë kundër qeverisë: Mesazh i rëndësishëm për mua

Kryeministri Edi Rama, gjatë pjesëmarrjes në Forumin Europian të Inovacionit dhe Sipërmarrjes në Düsseldorf, deklaroi se protesta që zhvillohet prej më shumë se një muaji para Kryeministrisë është një mesazh që e merr seriozisht dhe që, sipas tij, po përpiqet ta kuptojë përmes shqetësimeve të qytetarëve, jo duke numëruar pjesëmarrësit.

Në fjalën e tij, Rama u shpreh se protesta përbën një sinjal të rëndësishëm për qeverinë dhe se është i angazhuar të dëgjojë kërkesat e qytetarëve. Kreu i qeverisë përsëriti edhe një herë qëndrimin e tij se algoritmet e rrjeteve sociale kanë ndikuar në përhapjen dhe masivizimin e protestës, duke argumentuar se ato shtrembërojnë perceptimin e realitetit.

“Si kryeministër, e konsiderojë këtë protestë një mesazh të rëndësishëm për mua dhe qeverinë time. Po përpiqem ta kuptoj këtë mesazh me shumë kujdes, jo duke numëruar njerëzit në rrugë, por duke u përpjekur të dëgjojë shqetësimet e njerëzve” u shpreh Rama.