Sot do të mbahet protesta e 87-të, qytetarët të vendosur: Në shesh derisa Rama të japë dorëheqjen!

Sot pritet të zhvillohet protesta e 87-të qytetare kundër qeverisë, në një aksion që vijon prej gati tre muajsh. Protestuesit kërkojnë dorëheqjen e kryeministrit Edi Rama dhe largimin e qeverisë.

Prej javësh, qytetarët kanë dalë në protestë duke shpalosur një sërë kërkesash, ndërsa kryesorja mbetet dorëheqja e Edi Ramës.

Protestuesit kërkojnë gjithashtu largimin e qeverisë dhe krijimin e një qeverie teknike me mandat 12-mujor. Sipas tyre, ky është një hap i nevojshëm për të garantuar një proces politik të ndryshëm.

Në listën e kërkesave është edhe anulimi i disa ligjeve që sipas protestuesve, bien ndesh me interesin qytetar.

Organizatorët dhe pjesëmarrësit në protesta kanë deklaruar se nuk do të tërhiqen nga qëndrimi i tyre deri në largimin e Edi Ramës nga posti i kryeministrit.