Takimi i rradhës, NATO heq referencën për Shqipërinë në deklaratën mbyllëse në Samitin e Ankarasë

Deklarata përfundimtare e Samitit të NATO-s në Ankara këtë vit ka qenë krejt ndryshe në lidhje me formulimin e saj krahasuar me samitet e viteve të fundit.

Ndërsa deklaratat e Vilniusit (2023), Washingtonit (2024) dhe Hagës (2025) përcaktonin qartë vendin ku do të zhvillohej samiti pasardhës, dokumenti i miratuar këtë vit nuk përmend më Shqipërinë si vendin pritës të takimit të ardhshëm të Aleancës.

Në deklaratën e Samitit të Hagës të vitit 2025 thuhej shprehimisht:

“Shprehim mirënjohjen për mikpritjen bujare të Mbretërisë së Holandës. Presim me padurim takimin tonë të ardhshëm në Turqi në vitin 2026, i ndjekur nga një takim në Shqipëri.”

Ndërkohë, deklarata e miratuar në Ankara mbyllet vetëm me formulimin:

“Shprehim mirënjohjen për mikpritjen bujare të Turqisë. Presim me padurim takimin tonë të ardhshëm.”

Në dokument nuk jepet asnjë referencë për vendin ku do të zhvillohet samiti i ardhshëm dhe nuk përmendet më Shqipëria, ndryshe nga sa ishte parashikuar në deklaratën e vitit 2025.

Edhe në deklaratat e mëparshme të NATO-s është ndjekur e njëjta praktikë. Në Vilnius, Aleanca njoftoi se samiti pasues do të mbahej në Washington dhe më pas në Hagë, ndërsa në Washington u konfirmua zhvillimi i samitit në Turqi pas Hagës.

Galeria fotografike (

)