Tedi Blushi denoncon dhunën e policisë ndaj protestuesve: Liro urgjentisht të arrestuarit

Sekretari i Përgjithshëm i Partisë së Lirisë, Tedi Blushi, ka reaguar mbrëmjen e sotme lidhur me situatën e krijuar gjatë protestës dhe përplasjet mes policisë dhe protestuesve.

Përmes një reagimi të publikuar në rrjetet sociale, Blushi akuzon kryeministrin Edi Rama se ka zgjedhur, sipas tij, “provokimin dhe dhunën barbare” ndaj protestuesve paqësorë.

“Hiq dorë nga dhuna dhe liro urgjentisht të arrestuarit se durimit të popullit po i vjen fundi dhe nuk do gjesh as vrimë miu ku të fshihesh!”, shkruan Blushi.

Sekretari i Përgjithshëm i Partisë së Lirisë kërkon ndalimin e përdorimit të dhunës dhe lirimin e personave të arrestuar gjatë protestës.

Reagimi i tij vjen pas tensioneve të regjistruara gjatë protestës, ndërsa situata vijon të jetë në qendër të debatit politik.