Futbolli spanjoll është në zi pas lajmit tragjik për ndarjen nga jeta të sulmuesit të Tenerifes, Jesús de Miguel Alameda.
K...
POLITIKE
“T’i japim besën njëri-tjetrit!”/ Arben Kola thirrje të rinjve: Bashkohuni për Shqipërinë e Re deri në shporrjen e Edi Ramës, koha është tani!
PiranjatPërditësimi i fundit 18 September 2026, 20:08
Aktivisti Arben Kola u ka bërë thirrje të rinjve që të bashkohen në protestën kundër qeverisë, duke kërkuar një angazhim të përbashkët për të arritur një “Shqipëri të lirë dhe Shqipëri të re”.
Në fjalën e tij nga protesta e 111-të, Kola tha se të rinjtë duhet të bashkohen për një qëllim të përbashkët dhe të mos ndikohen nga liderët politikë.
“Rinia së pari duhet të bëhet bashkë për një qëllim dhe një ëndërr, që quhet Shqipëri e lirë dhe Shqipëri e re. Dhe që kjo të ndodhë, rinia nuk duhet të jetë e infektuar nga liderët dhe politikanët tradhtarë”, u shpreh Kola.
Kola e cilësoi situatën si një “moment historik” dhe u bëri thirrje të rinjve që kanë vendosur të jetojnë në Shqipëri t’i bashkohen protestës deri në largimin e Edi Ramës.
Aktivisti Arben Kola: Mirëmbrëma të gjithëve. Rinia së pari duhet të bëhet bashkë për një qëllim dhe një ëndërr, që quhet Shqipëri e lirë dhe Shqipëri e re. Dhe që kjo të ndodhë, rinia nuk duhet të jetë e infektuar nga liderat dhe politikanët tradhtarë.
Duhet që t’i japim besën njëri-tjetrit që të ndërtojmë këtë Shqipëri të re, me Kushtetutë të re, me Kod Zgjedhor të ri, me kontratë të re sociale dhe ne do të jemi mbështetësit kryesorë të tyre.
Ky është moment historik, ndaj ftojmë të rinjtë dhe të rejat, që kanë vendosur që të jetojnë në Shqipëri, të na bashkohen dhe të udhëheqin këtë revolucion paqësor deri në shporrjen e Edvin Ramoviçit.
Koha është tani që të bashkohemi për një Shqipëri përtej partive. Bashkohuni për ëndrrat e baballarëve tuaj e atyre që na kanë lënë. Kjo tokë kërkon mund dhe sakrificë dhe sakrifica e vetme është qëndresa dhe prania juaj në shesh.
