Tomorri: Çdo sekondë tjetër që Rama qëndron në detyrë, dëmi që shkakton rritet

Nga Klodian Tomorri

Çdo sekondë tjetër që qëndron në detyrë, dëmi që shkakton rritet në mënyrë eksponenciale. Nuk e di nëse është i vetëdijshëm për këtë, apo nëse beson atë që i thonë servilët përreth. Megjithatë, një gjë është e sigurt: ata do të jenë të parët që do t’i hidhen në fyt kur të vijë momenti. Dhe ardhja e atij momenti tashmë është e pashmangshme.

Kjo maxhorancë e ka të pamundur të qeverisë më. Jo vetëm me 83 mandate, por as me 183, po t’i kishte.

Kryeministri është shndërruar në një personazh që tallet dhe urrehet masivisht; në rrugë, në rrjetet sociale, në familjet shqiptare, kudo. Madje, me shumë gjasa, i është hequr viza edhe nga kancelaritë jashtë vendit. Eksperimenti i narkoshtetit në zemër të Europës ishte një dëm i rëndë. Tani po vjen fatura. Me breshëri dhe e koordinuar nga të gjitha anët.