Kancelari gjerman Friedrich Merz ka deklaruar se presidenti i ardhshëm i Gjermanisë duhet të jetë një grua.
“Do t’i propozo...
POLITIKE
Turisti motivon protestuesit: Më thyhet zemra, sepse kjo nuk është Shqipëria me të cilën rashë në dashuri
PiranjatPërditësimi i fundit 28 August 2026, 21:10
Një turist amerikan, i cili viziton rregullisht Shqipërinë prej 10 vitesh, i është bashkuar protestës qytetare duke shprehur keqardhjen për dëmtimin e natyrës, lumenjve dhe maleve gjatë viteve të fundit.
Në fjalën e tij në shesh, ai tregoi se ra në dashuri me vendin që kur e përshkoi për herë të parë me biçikletë nga veriu në jug, por sot sheh me keqardhje se si bregdeti po zihet nga luksi dhe zonat malore mbeten pa mbështetjen e qeverisë. Turisti gjithashtu deklaroi se ndihet i frymëzuar nga rezistenca paqësore kundër korrupsionit.
“Prej 10 vitesh, çdo vit vizitoj Shqipërinë. Kur erdha për herë të parë, erdha me biçikletë dhe udhëtova nga veriu në jug. Rashë në dashuri me natyrën, liqenet, malet, lumenjtë dhe njerëzit, sepse janë mikpritës dhe të mirë. Kam qenë dëshmitar i shkatërrimit. Malet digjen, lumenjtë janë plot me plehra.
Më thyhet zemra, sepse kjo nuk është Shqipëria me të cilën rashë në dashuri. Bregdeti zihet nga luksi, ndërsa në male nuk kanë kushtet dhe internetin, qeveria nuk i mbështet. Ky është një moment kritik, por shoh shpresë. Dua të them që jam i frymëzuar nga ky revolucion. I frymëzuar që për 3 vite me një protestë paqësore tregoni se korrupsioni duhet të marrë fund!”, u shpreh ai.
