Ilir Meta ka reaguar përmes një postimi në Facebook lidhur me konfliktin mes GJKKO dhe Dhomës Kombëtare të Avokatisë, duke pr...
POLITIKE
“U ekzaltove që Rama na ngriti kaq lart”/ Bushati dhe Haxhiu përplasen për Bordin e Paqes: Nuk ka logjikë
PiranjatPërditësimi i fundit 23 January 2026, 08:37
Analisti Andi Bushati dhe Baton Haxhiu, kanë debatuar në lidhje me Bordin e Paqes së Trump dhe faktin që në Shqipëri u propagandua si arritje e madhe, që vendi ynë u bë pjesë, duke ia faturuar si sukses Edi Ramës dhe lidershipit të tij.
Të ftuar në emisionin “Të Paekspozuarit”, Bushati u shpreh fillimisht me kritika ndaj shkrimit të Haxhiut në të cilin thoshte se Rama e ngriti Shqipërinë lart me përfaqësimin në këtë bord. Sipas Bushatit kjo nuk ka logjikë, sepse nuk duhet faturuar si sukses i Edi Ramës.
Ndërkohë në përgjigje Haxhiu është shprehur se ky sipas tij, është një moment historik për Shqipërinë, që të përfaqësohemi në bordin e krijuar nga Trump.
Andi Bushati: Lexova një shkrim të Batonit, që thoshte ku e patëm fat që gjeniu Edi Rama e çoi aq lart Shqipërinë në këtë bord…
Baton Haxhiu: Mos keqinterpreto dhe cito tamam. Unë as vetes nuk ia them fjalën gjeni.
Andi Bushati: Unë e lehtësova me gjeni.
Baton Haxhiu: Letrën që ka dërguar Trump e kam patur në dorë para se të shpallet. Kur e kam lexuar, kam qenë i qartë se një vend i vogël, duhet ta pranojë me çdo kusht, pasi kemi element të sigurisë, startegjike dhe jo vlera demokratike.
Andi Bushati: Ky është krim tjetër, ky që po tregon sot. Ky që po tregon sot, nuk është shkrimi sa gjenial është Rama dhe ku e ka çuar Shqipërinë. Nëse e quan një nder të madh që na u bë shqiptarëve, përmes Ramës, të përfaqësohemi në bordin e gjeniut që ka bota, Trump, atëherë je koherent.
Baton Haxhiu: Nëse je në emision mos shkruaj në celular por dëgjo. Unë thashë para se të vinte Trump, do të më vinte keq të isha pjesëtar i atij bordi. Sot, kur paradigma e re dhe me gjithë ç’kam lexuar, 35 vitet e mia lexim kanë vdekur…. Unë them, në bord jo që duhet të jetë Shqipëria, por urgjent ta nënshkruajë pasi nuk ka rrugë tjetër. Ka rrugën e refuzimit, por refuzimi ka kosto.
Andi Bushati: Pra Shqipëria duhet ta nënshkruajë se është vend i vogël dhe i pafuqishëm? Por ti me bindjet e tua, intelektualisht, je kundër. Një njeri që është kundër dhe e quan këtë gjë jo të mirë, nuk mund të ekzaltohet, që shiko sa lart na çoi Rama, na ngjiti në këtë bord. Kjo nuk ka logjikë.
Baton Haxhiu: Nonsense është të jetosh me dogma. Ne kemi një realitet të ri politik. Një njeri që nuk ndjek rregulla dhe nuk i respekton. Bën një koncept kundër OKB, vlerave dhe drejtësisë. Ti duhet ti përshtatesh, ky është pragmatizëm politik. Pjesën intelektuale e bisdojmë në kafe duke bërë masturbim intelektual. Ajo ka vdekur. Nëse mendojmë se intelektualisht e diskutojmë, s’ka problem. Pjesa jote e të majtës, dhe pjesë ime liberal demokratëve, mendoj se nuk ekziston. Nëse nuk pajtohesh e ke humb kohën. Kur e lexova, nuk e besoja se diksuh mund të shkruajë një statut të tillë.
Andi Bushati: Pra ti je intelektualisht i turpëruar, kurse politikisht dhe edramistë, i ekzaltuar që ne jemi atje?!
Baton Haxhiu: I ekzaltuar je ti që ai e ka pranur.
Andi Bushati: Shkronjat e tua tregonin ekzaltim.
Baton Haxhiu: Shkronjat e mia thonë momenti historik për Shqipërinë.
Andi Bushati: Po aq historik sa Lukashenko, Putini… E di çfarë do të doja nga ty? Që shkrimin që bëre për Ramën, ta kishe bërë për Vjosa Osmanin, sa lart e ka çuar lidershipi i Vjosa Osmanit, Kosovën, në tryezën e të madhit Trump.
Baton Haxhiu: Shumë lart, me gjithë kritikat që kam unë, ka qenë e nderuar, pasi Kosovën ky Bord, ka patur edhe vende që nuk e kanë njohur kosovën, janë pjesë e një tavoline ku Kosova është pjesë. Politikisht dhe strategjikisht.
Andi Bushati: Jo personale e Vjosa Osmanit, që ka bërë politikë aq largpamëse që e çoi Kosovën aty. Të njëjtin tekst që bëre për Ramën, ta bësh për Vjosa Osmanin, se si politika personale e saj e çoi Kosovën kaq larg.
