Gjykata ka vendosur lirimin nga qelia të 12 protestuesve të arrestuar në kuadër të protestave të zhvilluara ditët e fundit n&...
POLITIKE
USB-ja me 16 mijë faqe prova për Ballukun, kreu i SPAK, Klodian Braho u vendos kusht deputetëve
PiranjatPërditësimi i fundit 19 December 2025, 20:34
Mësohen detaje të reja nga mbledhja 5 orëshe në Këshillin e Mandative. Kreu i SPAK, Klodian Braho, ka deklaruar se në USB me prova për Belinda Ballukun janë rreth 16 mijë faqe.
Fuke folur për aksesin që do të kenë anëtarët e Këshillit në USB, kreu i SPAK ka kërkuar se deputetët duhet të firmosin një deklaratë konfidencialiteti, të përpiluar nga Prokuroria e Posaçme.
Kryetar i Kuvendit, Niko Peleshi, i tregoi kreut të SPAK, se edhe Kuvendi i ka gati deklaratat e konfidencialitetit, megjithatë Braho ka ngulmuar që anëtarët e Këshillit do të duhet të firmosin deklaratën e përpiluar nga SPAK, dhe jo atë të Kuvendit.
Sakaq mësohet se kopja e vetme e USB që SPAK ia ka dërguar Kuvendit është futur përsëri në zarf, dhe do të shumëfishohet në 10 kopje aq sa është numri i Anëtarëve të Këshillit, vetëm kur ata të kenë firmosur deklaratën sipas hartimit të SPAK.
Po ashtu mësohet se avokati i Ballukut, Ardian Kalia, ka thënë se është e pamundur 5 ditë kohë që propozuan prokurorët e SPAK për të lexuar 16 mijë faqe dhe prova në USB.
Po ashtu mësohet se avokati i zonjës Balluku, i ka thënë prokurorëve të SPAK, se një prej provave të reja, që i është sjellë Kuvendit, ka qenë e administruar prej tyre, përpara ditës kur zonja Balluku, për herë të parë u njoh me GJKKO me masën e ndalimit për të dalë nga vendi dhe të pezullimit nga detyra.
