16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Vazhdon tallja me shqiptarët/ “Prania Besnike” nis me bllokun bosh të Sara Milës: I kemi shënuar të gjitha
PiranjatPërditësimi i fundit 6 September 2026, 12:20
Pas premtimeve, fjalimeve dhe “dëgjimit” të halleve të shqiptarëve, Partia Socialiste ka nisur një tjetër tur takimesh me qytetarët, këtë herë të pagëzuar “Prania Besnike”.
Nisma e shpallur nga Edi Rama parashikon që çdo të premte, në të njëjtën orë dhe në të njëjtat ambiente, deputetët dhe drejtuesit socialistë të përballen me banorët për të dëgjuar shqetësimet dhe problemet e tyre.
Por që në ditën e parë, “dëgjimi” ka prodhuar edhe një moment që ngre pikëpyetje.
Deputetja e Partisë Socialiste për Elbasanin, Sara Mila, njoftoi se takimi në fshatin Papër kishte përfunduar me sukses dhe se banorët kishin shprehur problematikat e tyre.
“I kemi shënuar të gjitha”, thotë deputetja, ndërsa mban në duar bllokun e shënimeve.
Vetëm se ka një problem: kur blloku hapet, faqet duken bosh.
Pra, hallet duket se u dëgjuan, u shënuan… të paktën me fjalë. Në letër, megjithatë, nuk duket të ketë mbetur shumë gjurmë.
Një skenë që të kujton edhe një herë se për shqiptarët, “Prania Besnike” mund të jetë thjesht një tjetër episod i serialit të gjatë të premtimeve dhe dëgjimit të halleve, ndërsa problemet vazhdojnë të presin zgjidhjen.
Vetë Edi Rama kishte kërkuar nga socialistët që të mbanin shënime për shqetësimet e qytetarëve, madje duke u thënë të shënonin “çfarë robi i Zotit po flet”.
Nisma, sipas socialistëve, nuk mbyllet me takimin e parë. Ajo do të vijojë çdo të premte në të gjithë vendin.
Deri atëherë, qytetarëve u mbetet të shpresojnë se herën tjetër, bashkë me “praninë besnike”, do të ketë edhe ndonjë faqe të mbushur./Piranjat News
