Numri i aksidenteve rrugore në Shqipëri ka vijuar të rritet gjatë vitit 2026, duke arritur në 1,090 aksidente në periudh&eu...
POLITIKE
VIDEO/ Erion Braçe "kapet" me zyrtarët shtetërorë: Kalojnë pa radhë me ndihmën e policisë
PiranjatPërditësimi i fundit 23 January 2026, 16:34
Deputeti i Partisë Socialiste, Erion Braçe ka ndarë një video nga trafiku në rrugët e Tiranës. Braçe ngre shqetësimin se mes gjithë trafikut zyrtarët shtetëror nuk respektojnë radhën, por kalojnë me ndihmën e policisë.
“Tirana e madhe. Zotërinj udhëheqës, a mund të rrini në radhë? E keni problem të prisni si të gjithë? Shtetas tuajet janë këta që presin në radhën e trafikut e sipas kushtetues e ligjit jeni të barabartë me ta! Kjo hyrja brutale në mes të radhës, në një rrugë me dy korsi, duke shtyrë në cepa e në një anë jashtë saj popullin, është e padenjë, arrogante dhe irrituese; e paligjshme doemos!
Dhe nuk fitoni gjë më shumë se 8-10 minuta, ndërkohë që në zyrë po shkoni; dilni 8-10 minuta më herët dhe mbërrini në kohë; por me një ndryshim: duke respektuar njerëzit, tamam shtetasit tuaj! Në anë tjetër, është irrituese që këtë e garanton policia; u kënaqa pardje kur pashë që policia me dron identifikonte shtetasit që thyenin radhën në shkelje të ligjit në Unazën e Madhe i ndëshkoi atje. Po këtu?
Policia në shkelje të radhës pa asnjë arsye madhore; policia dhe udhëheqësit po na mësojnë as të gëzohemi dhe as t’i lëvdojmë kur bëjnë mirë! Ja kaq!”– thuhet në reagimin e Braçes.
