Video/ Ja si mashtroi Rama për menaxhimin e plazhit të Dhërmiut

Kryetari i Partisë Demokratike, Sali Berisha, ka publikuar në rrjetet sociale një video nga plazhi i Dhërmiut, ndërsa shihet qartë se si subjektet private vijojnë të menaxhojnë hapësirën bregdetare gjatë sezonit turistik.

Në pamjet e publikuara, në sfond dëgjohet zëri i kryeministrit Edi Rama, i cili në një deklaratë të mëparshme kishte premtuar një tjetër model administrimi për plazhet e jugut.

Rama kishte deklaruar se plazhe të njohura turistike, përfshirë Ksamilin dhe Dhërmiun, do të kalonin në menaxhimin e bashkive, me argumentin se ky ndryshim do të shmangte abuzimet me çmimet dhe shërbimin ndaj pushuesve.

Berisha e përdor këtë kontrast për të akuzuar kryeministrin se premtimet e bëra për menaxhimin e plazheve kanë mbetur në nivel deklaratash, ndërsa në terren situata vijon të jetë e njëjtë.