16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Vizita e Berishës në SHBA, Mediu zbulon detaje: Do të marrë pjesë në pjesën VIP të konventës republikane
PiranjatPërditësimi i fundit 6 September 2026, 21:58
Kryetari i Partisë Republikane, Fatmir Mediu, ka dhënë detaje mbi vizitën e Sali Berishës në Shtetet e Bashkuara të Amerikës dhe pjesëmarrjen e tij në konventën e Partisë Republikane në Dallas.
Në një lidhje live në “Terminal” nga Loneta Progni, Mediu tha se Berisha, së bashku me dy përfaqësues të tjerë shqiptarë, është i ftuar zyrtarisht në konventën republikane dhe se gjatë qëndrimit në SHBA priten edhe takime me përfaqësues të Kongresit, Senatit dhe Partisë Republikane amerikane.
"Unë dhe zoti Berisha, bashkë me dy përfaqësues të tjerë që jemi anëtarë të ekzekutivit të IDU-së, kemi qenë të ftuar zyrtarisht në konventën republikane që do të zhvillohet në Dallas”, deklaroi Mediu.
Ai theksoi se pjesëmarrja nuk do të jetë thjesht formale, duke bërë të ditur se Berisha dhe ai do të jenë në pjesën VIP të aktivitetit.
"Do të jemi në pjesën VIP të konventës. Do të jemi atje ku është pjesa e rëndësishme e konventës, me përfaqësuesit më të lartë”, u shpreh Mediu.
Sipas tij, përveç pjesëmarrjes në konventë, janë parashikuar edhe takime me figura politike amerikane.
“Takimet do të jenë me përfaqësues të Kongresit, të Senatit apo edhe të Partisë Republikane amerikane”, tha kryetari i Partisë Republikane.
