Sot vendi ynë do të ndikohet nga kushte atmosferike të qëndrueshme.
Moti parashikohet i kthjellët si dhe vranësira të pakt...
POLITIKE
Vijojnë dëgjesat, Divjaka kundër Territoriales: Nuk pranojmë shkrirjen e bashkisë
PiranjatPërditësimi i fundit 17 Shtator 2026, 20:42
Dëgjesa e radhës publike në kuadër të reformës administrative për Komisionin e Këshillit Bashkiak Divjakë është zhvilluar në Njësinë Administrative Gradishtë.
Gjatë dëgjesës, kryetari i Bashkisë Divjakë, Josif Gorrea, ka shprehur qëndrimin e tij kundër shkrirjes së Bashkisë Divjakë. Ai ka argumentuar qëndrimin e tij, të cilin, sipas tij, ia ka shprehur edhe kryeministrit Edi Rama.
Ndër argumentet kryesore të paraqitura nga Gorrea kanë qenë numri i popullsisë, shtrirja gjeografike e bashkisë dhe kontributi në të ardhurat që derdhen në buxhetin e shtetit.
Sipas tij, përveç të ardhurave nga agroturizmi, në Bashkinë Divjakë punohen rreth 20 mijë hektarë tokë, të cilat vetëm nga TVSH-ja, sipas tij, sjellin në arkën e shtetit mbi 29 milionë euro.
Gorrea ka përmendur gjithashtu prodhimin e lartë bujqësor dhe blegtoral të zonës, duke theksuar se prodhimet furnizojnë jo vetëm tregun vendas, por edhe eksportin.
Pjesëmarrësit që morën fjalën gjatë dëgjesës janë shprehur njëzëri kundër shkrirjes së Bashkisë Divjakë.
Sipas tyre, bashkia duhet të vijojë të jetë në Divjakë, pasi shkrirja e saj dhe kalimi i administrimit nga Lushnja do të sillte ulje të numrit dhe cilësisë së shërbimeve për banorët.
