“Zuzarët rilindas të pangopur”, Maliqi: Koha e pandëshkueshmërisë po mbaron

Mungesa e infrastrukturës dhe e ndriçimit e vështirëson edhe më shumë situatën për banorët në fshatin Bardhaj.

Ish-deputeti Lefter Maliqi ka publikuar një video në Facebook, ku ka ndarë disa nga problematikat me të cilat përballen qytetarët në jetën e përditshme.

Ai thotë se qytetarët tashmë e dinë se çdo gjë nga qeveria bëhet vetëm për show, ndërsa thekson se qytetarët nuk mashtrohen më.

Reagimi i plotë:

Hajdarët dhe kryehajdarët në panik! Kandidatët Hajdarë janë shtuar e po zihen kush t’a ketë më mirë me Kryehajdarin!

Rivalitet, luftë brenda llojit, zuzaret rilindas të pangopur. Frikë dhe shoë elektoral! Janë turrur tani, vitin e fundit para zgjedhjeve, të premtojnë investime e punësime në zonat tona fituese.

Pas dhjetëra denoncimeve tona kujtohen sot për Urën e Bardhajt. Jo vetëm urë po edhe me florinj ta shtroni, prapë nuk i mashtroni dot qytetarët! Populli e di kush i grabiti taksat dhe pasuroi oligarkët e klientët e pushtetit.Ju ka zënë paniku nga humbja që po afron në Kuçovë, Berat dhe kudo. Janë turrur me kuç e maç, me hajdarë e kryehajdarë, por qytetarët nuk mashtrohen më. Edhe pazaret nuk pinë më ujë! Koha e pandëshkueshmërisë po mbaron. Çdo abuzim me taksat e qytetarëve do hetohet dhe pasuria e vjedhur do sekuestrohet kudo që të jetë fshehur.

Bardhaj do bëhet me urë, rrugë të asfaltuar dhe ndriçim deri në Pashtan,Investime do ketë në Mendrakë, Belesovë, Luzaj,Pëllumbas, Lumas, Shegjëz, Krekëz, Koritëz, Çiflik dhe në çdo fshat të Kozarës, Perondisë e gjithë Kuçovës. Kuçova do kthehet në qytet model në shkallë vendi!

Poshtë hajdutët, hajdarët e kryehajdarët, zuzaret e kryezuzarët që janë superpasuruar me djersën e popullit!

Asnjë hap pas! Ndryshim, bashkim, fitore!