Studentët kanë marshuar sot në rrugët e Tiranës, ndërsa janë ndalur te Fakulteti i Ekonomikut, ku iu kanë bërë...
SHOWBIZ
5 vite përndjekje dhe mbi 200 profile false, Beatrix Ramosaj zbulon makthin që ka përjetuar
PiranjatPërditësimi i fundit 2 September 2026, 15:03
Beatrix Ramosaj ka ndarë me ndjekësit e saj një situatë shqetësuese që, sipas saj, ka zgjatur prej më shumë se pesë vitesh. Këngëtarja ka treguar përmes disa postimeve në rrjetet sociale se një person i panjohur për të ka hapur mbi 200 llogari false, duke tentuar të mbledhë informacione rreth jetës së saj personale.
Sipas Beatrix, personi në fjalë nuk është kufizuar vetëm te kontakti me të, por ka kërkuar informacione edhe përmes njerëzve të saj të afërt. Përndjekësi dyshohet se u ka shkruar familjarëve, miqve dhe madje edhe personave që këngëtarja ndjek në rrjetet sociale, duke u përpjekur të krijojë një version të jetës së saj bazuar në informacione të marra nga të tjerët.
Në reagimin e saj, Ramosaj bëri të qartë se pas kaq shumë kohësh nuk ndjen më zemërim ndaj kësaj situate.
“E vërteta është se ju dini vetëm atë që unë zgjedh të ndaj”, është në thelb mesazhi i saj, duke theksuar se jeta e saj reale vazhdon larg asaj që shfaqet në rrjetet sociale.
Artistja u shpreh gjithashtu se pas pesë vitesh nuk e sheh më këtë situatë me inat, por me keqardhje për personin që, sipas saj, ka shpenzuar kaq shumë kohë duke u marrë me jetën e një të panjohure.
Në fund, Beatrix zgjodhi ta kthejë reagimin e saj në një mesazh fuqizues. Ajo tha se e pranon jetën e saj ashtu siç është, me zgjedhjet e mira, gabimet dhe gjithçka që ka kaluar, duke nënvizuar se askush tjetër nuk mund ta marrë në dorë historinë e saj.
Këngëtarja u bëri thirrje edhe të tjerëve që të mos lejojnë që gjykimet apo ndërhyrjet e njerëzve të tjerë t’u përcaktojnë mënyrën se si e shohin jetën e tyre.
“Është jeta jote”, është mesazhi që Ramosaj përcolli në mbyllje, duke i uruar gjithashtu personit që qëndron pas këtyre llogarive të gjejë ndihmën që i nevojitet.
