Studentët në Universitetin e Korçës kanë vijuar bojkotin e mësimit, në mbështetje të protestës studentore e ...
SHOWBIZ
A ka marrëdhënie të mira apo është konfliktuale? Zysha e Selin: Po them një gjë me spec
PiranjatPërditësimi i fundit 9 April 2026, 19:06
Roberta Mone është pedagoge në Universitetin e Arteve ka komentuar banoren e shtëpisë së “Big Brother VIP 5”, Selin Bollati, të cilën e ka patur nxënëse për 5 vite.
Ajo u shpreh se Selin është një vajzë luftarake, këmbëngulëse, shumë e fortë dhe një artiste e formuar. Sipas saj, te balerina mund të gjesh vlerat më të mira të një artisti të ri.
Pjesë nga intervista:
E kam ndjekur, është një vajzë luftarake.
Kështu është edhe jashtë?
Është e vështirë të përballësh me këtë realitet, me fyerje.
E mendoje se do ishte kaq e fortë?
Selin është një vajzë shumë e fortë. Është një artiste e formuar. Te Selin mund të gjesh vlerat më të mira të një artisti të ri. Është vajzë e talentuar. Është vajzë me kërkesa shumë të larta për rezultatet që ajo do. Është një vajzë këmbëngulëse. Gjithë kohës është përpjekur të kapë projektet më të mira që ajo do. Është angazhuar në të gjitha projektet tona në Universitet.
Më bëri përshtypje se thatë ajo kërkon projektet më të mira
Po është e vërtetë. Edhe me ne pedagogët, jo vetëm me mua, në 5 vite që e kam studente, Selin ka qenë gjëja më e bukur mbi skenë. Ka vlera të larta, të mira.
Më trego pak për detajet e saj në balet?
Ka qenë 18 vjeçe kur ka ardhur në Universitetin e Arteve për koreografi. Ishte një vajzë e talentuar dhe e përgatitur, në kohën e konkursit. Që aty fitoi pikë nga ana e komisionit. E ashtu vijoi rrugëtimi i bukur i Selin. Në vitin e parë ka paraqitur detyra të bukura mbi skenë.
Si është jashtë Big Brother, ka marrëdhënie të mira me njerëzit apo është konfliktuale?
Në këto 5 vite që e njoh, më pëlqen se ashtu siç ka marrë pjesë në projektet e mia si udhëheqëse, ashtu dhe me kolegët e tjerë, ka një frymë bashkëpunimi. Është luftarake ashtu siç e shoh edhe në Big që lufton fort.
Selin ka patur një merak për ju, që e ka ndarë edhe aty në Big Brother. I ka ngel merak se ka lënë shkollën.
Selin si njeri është shumë e dashur, por nuk e shfaq, e mban të brendshme. Ja kam thënë shpesh, por është natyra e saj. Selin është diplomuar për 3 vitet e para, nisi master. Filloi vitin e parë me rezultate gjithmonë të mira, me notën 10. Filloi për bukuri viti i dytë, vetëm kur nuk më erdhi. Më ka munguar shumë në provimin e koreografisë.
E ndjekin te shkollë?
Shoqëria e do shumë¸edhe nga dega e regjisë. Mesa duket ka patur marrëdhënie të mira. Selin nuk donte vetëm të dilte mirë vetëm ajo, por ndihmonte dhe të tjerët.
Cili është kujtimi më i bukur, ndonjë projekt?
Kujtimet janë pafund. Nuk na kanë lidhur vetëm projektet, por nxënësit i kam ftuar edhe në çdo ditëlindje timen. Por të them një gjë me spec ashtu si e karakterizon Selin. Në një nga provimet që ne kemi shfaqje në skenë, unë isha e tensionuar, doja të dilja mirë. Të gjithë ishim të përqëndruar dhe Selin më kishte thënë ‘zyshë si do bëj unë se vij nga ky projekt’. Kishte një projekt tjetër tek Ansambli. I them të mbarojë dhe të vijë këtu, prit unë. Në moment hapet dera dhe Selin ‘më fal’, bëri zemër, m’u hodh në qafë dhe ma prishi mendjen menjëherë. E sapo hyri në skenë ajo shkëlqeu. Profesionalist është e arrirë.
