Alarm për Prince Andrew, një person me maskë dyshohet se e kërcënoi pranë shtëpisë së tij

Një incident serioz sigurie është raportuar pranë rezidencës së re të Prince Andrew në zonën e Sandringham, ku një person i maskuar dyshohet se e ka kërcënuar gjatë një shëtitjeje me qentë.

Sipas mediave britanike, ngjarja ndodhi mbrëmjen e 6 majit në fshatin Wolferton, pranë pronës Marsh Farm, ku Andrew është zhvendosur së fundmi. Raportohet se një burrë i veshur me maskë ski po qëndronte brenda një automjeti dhe doli sapo ish-Duka i Jorkut iu afrua zonës.

Dëshmitarët pretendojnë se personi filloi të bërtiste ndaj Andrew dhe u përpoq t’i afrohej me shpejtësi. I shoqëruar nga një pjesëtar i ekipit privat të sigurisë, Andrew raportohet se nxitoi drejt makinës së tij dhe u largua menjëherë nga vendi. Policia e Norfolk konfirmoi se një person u arrestua nën dyshimet për sjellje kërcënuese dhe posedim të një arme të ftohtë. I dyshuari u dërgua për marrje në pyetje dhe vazhdon të mbahet në paraburgim.

Ngjarja ka rikthyer diskutimet për sigurinë e princit, i cili vitet e fundit ka humbur mbrojtjen policore dhe privilegjet mbretërore pas skandaleve që lidhen me emrin e tij dhe lidhjet me financierin e ndjerë Jeffrey Epstein.

King Charles III thuhet se i ka ndërprerë gjithashtu mbështetjen financiare dhe pagesat për sigurinë personale, ndërsa Andrew është tërhequr pothuajse plotësisht nga jeta publike.