Bikini, jaht luksoz dhe një mungesë që po komentohet? Familja Beckham shijon pushimet në Francë!

Victoria Beckham dhe Kim Turnbull kanë tërhequr vëmendjen gjatë pushimeve verore të familjes Beckham në jug të Francës, ku janë fotografuar duke shijuar ditët e nxehta në bordin e jahtit luksoz të familjes.

Victoria, 52 vjeçe, dhe Kim, 25 vjeçe, u shfaqën me bikini të zeza, ndërsa David Beckham, 51 vjeç, preferoi të qëndronte pa bluzë teksa merrte rreze dielli në kuvertën e jahtit.

Victoria zgjodhi një palë bikini të zeza nga Agent Provocateur, ndërsa Kim Turnbull, e dashura e djalit të saj Romeo Beckham, u shfaq me një kombinim të ngjashëm.

Dyshja e kompletoi pamjen me veshje të lehta verore, ndërsa shijuan atmosferën luksoze në bordin e jahtit Seven, i cili është rreth 45 metra i gjatë dhe vlerësohet në rreth 16 milionë funte.

Edhe David Beckham u fotografua në kuvertë pa bluzë, duke ekspozuar tatuazhet dhe duke shijuar diellin mes peizazheve të Mesdheut.

Në këtë udhëtim familjar ishte edhe babai i Victoria-s, Tony Adams, 80 vjeç, ndërsa vajza e çiftit, Harper, iu bashkua gjithashtu pushimeve. Djali i tyre Cruz mungoi, pasi ndodhet në turne në Amerikën e Veriut me grupin e tij muzikor.

Por pas atmosferës së relaksuar në jaht, vëmendja është rikthyer edhe te marrëdhënia e tensionuar brenda familjes Beckham.

Pushimet zhvillohen në një periudhë kur David dhe Victoria janë në qendër të raportimeve për përplasjet me djalin e tyre të madh, Brooklyn Beckham, dhe bashkëshorten e tij, Nicola Peltz.

Brooklyn dhe Nicola po kalonin gjithashtu pushimet në jug të Francës, në një zonë pranë Nicës, ndërsa familja Beckham po lundronte në Mesdhe. Pavarësisht distancës së vogël, familjet nuk u takuan gjatë qëndrimit në Francë.

Brooklyn dhe Nicola kaluan gjithashtu kohë me këngëtarin Elton John në jahtin e tij, një detaj që tërhoqi vëmendje për shkak të miqësisë së gjatë që Elton John ka me David dhe Victoria Beckham.

Situata mes anëtarëve të familjes vazhdon të jetë një nga temat më të komentuara në rrjetet sociale, veçanërisht pas postimeve të fundit të Brooklyn-it, të cilat kanë rikthyer në vëmendje tensionet familjare.