Brian Potter humb jetën në një azil pleqsh për shkak të sëmundjes së Alzheimerit

Brian Potter, një nga producentët dhe kompozitorët më të suksesshëm britanikë të muzikës, ka ndërruar jetë në moshën 87-vjeçare.Artisti vuante prej vitesh nga sëmundja e Alzheimerit.

Potter ndërroi jetë me datë 30 qershor në një azil pleqsh në Granada Hills, Los Angeles, duke lënë pas një trashëgimi të jashtëzakonshme në industrinë muzikore.

Së bashku me partnerin e tij amerikan në krijimin e këngëve, Dennis Lambert, ai ishte autor i një sërë hitesh që dominuan muzikën pop, soul, country dhe soft rock gjatë viteve 1970. Mes tyre spikasin “Rhinestone Cowboy” e Glen Campbell, e cila arriti vendin e parë në SHBA në vitin 1975, “It Only Takes a Minute”, e bërë fillimisht hit nga Tavares dhe më vonë e risjellë me sukses nga Take That, “Baby Come Back” e grupit Player, si dhe “Ain’t No Woman (Like the One I’ve Got)”, një nga këngët më të suksesshme të Four Tops.

Ai kishte lindur dhe rritur në Essex të Anglisë.  Suksesin e parë si tekstshkrues e arriti në vitin 1965, kur bashkëshkroi hitin “Whatcha Gonna Do About It” të grupit Small Faces.

Më vonë ai u njoh me Dennis Lambert gjatë një vizite të këtij të fundit në Londër dhe u transferua në Shtetet e Bashkuara, ku dyshja krijoi një nga partneritetet më të suksesshme të muzikës amerikane.

Gjatë karrierës së tij, Potter punoi edhe me Universal Studios në projekte si “Rockin’ Graveyard Revue” dhe “The Blues Brothers Show”.

Brian Potter la gjurmë të pashlyeshme në industrinë muzikore me hitet e tij moderne nga viti në vit.