Ministria e Drejtësisë ka reaguar lidhur me transferimin e Erion Veliajt nga ambientet e paraburgimit, duke sqaruar se lëvizja drejt Institucioni...
SHOWBIZ
Dasma e dekadës po vjen! Ronaldo & Georgina vendosin më në fund vendin ku do kurorëzohen
PiranjatPërditësimi i fundit 26 November 2025, 13:23
Cristiano Ronaldo dhe e fejuara e tij, Georgina Rodríguez, kanë marrë më në fund vendimin që fansat e tyre e prisnin prej vitesh: çifti do të martohet verën e ardhshme në Madeira, vendlindjen e yllit portugez.
Sipas Jornal da Madeira, ceremonia do të mbahet në Katedralen madhështore të Funchal, ndërsa festa e madhe do të zhvillohet në një hotel superluksoz të ishullit. Vendndodhja ka një simbolikë të veçantë ndodhet vetëm 2.4 km larg spitalit ku Ronaldo erdhi në jetë dhe rreth 5 km nga klubi Nacional da Madeira, ku ai nisi hapat e parë në futboll.
Ronaldo dhe Georgina u fejuan këtë vit në gusht, pas më shumë se nëntë vitesh lidhje. Futbollisti e surprizoi partneren me një unazë plot shkëlqim me vlerë 1.5 milion paund dhe së fundmi ka rrëfyer për momentin emocional të propozimit.
“Ishte ora 1 e natës… vajzat po flinin. Një shoqe jonë më dha unazën dhe sapo po ia jepja Gios, dy fëmijët e mi hynë brenda dhe më thanë: ‘Babi, do t’i propozosh mamit?’ Atëherë e kuptova se ishte momenti i duhur,” ka treguar Ronaldo gjatë intervistës me Piers Morgan.
Ai pranoi se gjithçka ndodhi pa plan, por ishte totalisht nga zemra: “Nuk u gjunjëzova sepse nuk isha përgatitur, por bëra një fjalim. Nuk jam tipi super romantik, por në mënyrën time jam. E dija që ajo është gruaja e jetës sime.”
Sipas Ronaldos, dasma do të zhvillohet pas Kupës së Botës, duke respektuar dëshirën e Georginës që nuk preferon evente të mëdha, por festa intime mes njerëzve të zemrës.
