Asambleja e Përgjithshme e Organizatës së Kombeve të Bashkuara ka miratuar rezolutën që kërkon heqjen e embargos ekonomike, t...
SHOWBIZ
Deklarata e Dojna Memës për partnerin e jetës: Më bën të qesh si ditën e parë…
PiranjatPërditësimi i fundit 15 January 2026, 20:40
Një moment i mbushur me dashuri dhe sinqeritet pushtoi studion e emisionit “Rudina”, kur Dojna Mema surprizoi partnerin e saj të jetës, Vlashent Sata, me një videomesazh që preku zemrat e të gjithëve.
Me fjalë të ëmbla dhe plot emocione, ajo rrëfeu lidhjen e tyre të veçantë, miqësinë që i bashkon, aventurat e përditshme dhe momentet e vogla që e bëjnë dashurinë e tyre të pazëvendësueshme.
Mes buzëqeshjeve, kujtimeve dhe premtimeve të thjeshta, Dojna i dha publikut një shembull të dashurisë së vërtetë, duke treguar se ndonjëherë, fjalët mund të jenë më të fuqishme se çdo surprizë.
“Jam shumë e lumtur dhe e qetë që Vlashenti është në studio me ty Rudina, pasi je ndër të rrallat që i bën njerëzit të ndjehen aq rehat sa studioja jote është pak si shtëpia e të gjithëve ne. Ndërsa për ty zemër dua që të them publikisht se përpara se të jesh partneri im i jetës, je shoku im më i mirë me të cilin vazhdoj të qesh njësoj si ditën e parë që të kam njohur dhe të ndaj çdo mendim që më kalon në kokë dhe më besoni që janë shumë.
Të gjitha aventurat e përditshme që kalojmë bashkë, momentet e bukura, vështirësitë e jetës, bisedat tona të gjata pasi vëmë djalin në gjumë më bëjnë që të të dua çdo ditë e më shumë për atë që ti je. Jam shumë e lumtur që ndajmë të njëjtat pasione dhe të pëlqejnë udhëtimet me orë të gjata në makinë, po aq sa unë, sidomos ato që janë pa plane dhe nuk e dimë se çdo gjejmë atje. Apo faleminderit sa herë që humbas çdo objekt të mundshëm ti je atje për ta gjetur dhe për të më thënë ‘Dojna po të mundeshe një ditë do të humbisje edhe kokën’. Të dua shumë zemra ime!”, tha me emocion Dojna Mema.
