Detajet më të reja nga libri "Swan Song: Diana, My Sister" i Charles Spencer, Princeshë Diana tentoi vetëvrasje ndërsa Mbreti Charles nuk e donte

Publikimi i librit të Charles Spencer për motrën e tij, Princeshë Diana, ka shkaktuar reagime të shumta tek populli britanik edhe pse ai ende nuk ka dalë në shitje.  

Në librin "Swan Song: Diana, My Sister", Spencer akuzon Mbretin Charles për sjelljen kundrejt ish-gruas së tij si gjatë martesës ashtu edhe në ditët pas vdekjes së saj.

Libri do të publikohet të martën e ardhshme me datë 22 shtator 2026 ndërsa është njoftuar se do të përqendrohet në marrëdhënien e Charles me Princeshën dhe në deklaratat e fundit të jetës së saj. Spencer kujton në libër edhe aksidentin ku Diana humbi jetën në vitin 1997.  

Disa nga rrëfimet sekrete të Princeshë Dianës cilësohen si pika kyce e përmbajtjes së "Swan Song: Diana, My Sister". Sipas Spencer Princesha kishte tentuar disa herë të kryente vetëvrasje por dashuria për djemtë nuk e lejoi ti jepte fund jetës së saj.

Ndërkohë që pjesë e librit do të jetë edhe dita e dasmës mbretërore mes Mbretit Charles dhe Princeshë Dianës në korrik të vitit 1981.