Protesta e studentëve vijon edhe këtë të martë në Tiranë, ku pjesëmarrësit kanë marshuar në disa nga rru...
SHOWBIZ
E akuzuan për botox, Vesa Luma tregon sfidën shëndetësore që po kalon
PiranjatPërditësimi i fundit 20 January 2026, 12:23
Vesa Luma ka vendosur të flasë publikisht për herë të parë për një periudhë të vështirë shëndetësore dhe emocionale, që për vite është keqinterpretuar edhe nga publiku. Ajo ka zbuluar se ka rezistencë ndaj insulinës, një gjendje metabolike që mund të çojë në paradiabet ose diabet tip 2 nëse nuk trajtohet.
“Rreth tre vite më parë, fillova të ndihesha çuditshëm në trupin tim,” shkruan këngëtarja, duke sqaruar se problemi nuk kishte lidhje me oreksin apo me shtimin klasik në peshë. Sipas Vesës, falë trendeve të botox-it dhe filler-ave, komentet mbi trupin e saj morën një tjetër drejtim.
“Publiku nuk të ‘gozhdon’ më me ‘pse je shëndoshur’, por ia vë fajin botox-it. ‘I ka fryrë botoxi, i ka bërë njësoj sikur t'i ketë pickuar bleta’,” shkruan ajo.
Pas një kohe ku ia atribuonte gjithçka stresit dhe ankthit, këngëtarja vendosi t’u drejtohej profesionistëve. Analizat hormonale zbuluan se ajo kishte rezistencë shumë të lartë ndaj insulinës, një gjendje që mund të çojë në paradiabet ose diabet të tipit 2.
Rezistenca ndaj insulinës do të thotë që trupi nuk përdor insulinën si duhet, dhe si pasojë sheqeri në gjak mund të jetë i lartë. Kjo shpjegon fryrjen, ndryshimet në peshë dhe vështirësinë për të kontrolluar oreksin.
“Prandaj vendosëm të kalonim tek ajo që sot quhet ‘trend’: Ozempic. Vendimi për të nisur Ozempic-un nuk ishte i lehtë. E kisha shumë frikë për shkak të efekteve anësore: të vjella, marrje mendsh,” rrëfeu këngëtarja. Vesa shpjegoi se për një kohë të gjatë hezitonte të fliste për këtë temë, nga frika se mos ndikonte njerëz që nuk kanë nevojë mjekësore për Ozempic-un.
Sot, këngëtarja thotë se është gati ta nisë sërish trajtimin, këtë herë me më shumë ndërgjegjësim dhe përgjegjësi.
Në fund, Vesa e bëri gjithashtu të qartë se ky rrëfim është personal dhe jo këshillë mjekësore.
