Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
SHOWBIZ
E njohur si 'vajza më e bukur në botë', ja sa vjeçe mbushi modelja
PiranjatPërditësimi i fundit 6 April 2026, 12:49
Modelja franceze, Thylane Blondeau, e njohur si “vajza më e bukur në botë”, mbushi 25 vjeç të dielën, më 5 prill.
Ajo publikoi një postim në llogarinë e saj personale në Instagram, duke shprehur mirënjohje për njerëzit që e rrethojnë.
Blondeau ndau një foto nga fëmijëria e saj, me mbishkrimin:
“Dhe papritmas 25. Do të jem gjithmonë mirënjohëse për këtë jetë të bukur, për familjen time, të fejuarin tim, miqtë e mi, punën time, kompaninë time dhe ju. Sot mungon një person. Mon Gégé. Më mungon dhe të dua.”
Modelja përmendi mungesën e një personi të dashur, Mon Gégé, ose Gérard Kadoche, i cili ishte partneri i nënës së saj dhe vdiq disa muaj më parë.
Thylane Blondeau u bë e njohur që në moshë të vogël, kur në moshën 5-vjeçare pozoi për revistën Vogue. Ajo është vajza e ish-futbollistit Patrick Blondeau dhe aktores dhe prezantueses Veronika Loubry.
Thylane filloi modelimin që në moshë të hershme, duke bërë hapat e saj të parë që në moshën 4-vjeçare.
Para se të fillonte shkollën, ajo kishte sfiluar në një shfaqje të stilistit Jean Paul Gaultier. Disa vite më vonë, bëri kopertinën e Vogue Enfants. Në moshën 13-vjeçare, u shfaq në kopertinën e revistës Jalouse, ndërsa tre vjet më parë ishte cilësuar nga mediat ndërkombëtare si “vajza më e bukur në botë”.
