E quajti Arbanën “ku*kë”, Ermal Mamaqi kritikon sjelljen e Olës: Nuk e meriton të rrijë më aty brenda, turp i madh

Mbrëmjen e djeshme ndodhi një përplasje verbale, ku Ola iu drejtua moderatores Arbana Osmani me një gjuhë të ashpër.

Pas largimit të Adionit, Ola u shfaq e mërzitur. Ndërsa Arbana po përpiqej ta qetësonte, ajo iu drejtua me fjalën “po kuçkë”, duke shkaktuar menjëherë reagime të forta.

Kjo deklaratë u komentua gjerësisht në rrjetet sociale, ku nuk munguan kritikat dhe debatet. Një reagim erdhi edhe nga opinionisti i emisionit, Ermal Mamaqi, i cili reagoi përmes një postimi.

Ai u shpreh i habitur nga situata, duke theksuar se ishte hera e parë që përjetonte diçka të tillë në gjithë karrierën e tij.

“Kam 25 vjet në televizion, hera e parë që më ndodh kjo. Jam ndjerë shumë keq në këto momente,” shkruan Ermali.

Gjithashtu, ai përgëzoi Arbanën për mënyrën se si menaxhoi situatën, duke u shprehur se ajo që ndodhi është një turp i madh.

“Bravo Arbanës për mënyrën se si e menaxhoi. Nuk di a e meriton të rrijë më aty brenda ajo vajzë… Turp i madh… e pajustifikueshme,” shprehet ai.