Ed Sheeran njofton tërheqjen nga muzika, ja arsyeja

Këngëtari britanik Ed Sheeran ka njoftuar se do të tërhiqet përkohësisht nga muzika pas përfundimit të turneut të tij aktual, duke deklaruar se dëshiron të kalojë më shumë kohë me familjen dhe të përqendrohet në jetën si baba.

Gjatë koncertit të parë të turneut të tij në Amerikën e Veriut, në Arizona, Sheeran i tha publikut se kjo mund të jetë hera e fundit që performon për një periudhë të gjatë kohe.

“Kjo do të jetë hera e fundit që jam këtu për një kohë. Mund të bëj një pushim kur të mbarojë turneu dhe të jem baba për një kohë. Nëse nuk ju shoh për një kohë, ju dua dhe ju falënderoj që erdhët,” u shpreh këngëtari para fansave.

Ed Sheeran është baba i dy fëmijëve me bashkëshorten e tij Cherry Seaborn, me të cilën është i martuar që nga viti 2019.

Ky nuk është rasti i parë që artisti ka bërë pauza nga muzika, pasi edhe më herët është tërhequr për periudha të caktuara për t’iu përkushtuar jetës familjare dhe projekteve personale.